| e-texts navigator |
| Wylie |
326a1 ལྡིང་ལས་སྤྱད་ཀྱང་།། བཙལ་བའི་ཡུལ་ནི་ཆད་པ་ཡིན། ནོར་བུ་ལས་ཀྱིས་འཕང་དམས་པ།། རང་སྐལ་འཚོ་བའི་ཆེད་བོར་ནས།། རྒྱལ་པོ་ཐབས་ཀྱིས་འཕང་མཐོ་བའི།། ལོངས་སྤྱོད་ཆེ་ལ་དམིགས
326a2 བཅས་ཀྱང་།། དེ་དག་མི་འཐོབ་འཚོ་བྲལ་བཞིན།། སྐལ་ལྡན་ཅན་གྱི་དོན་འདི་དག། སྐལ་ཞན་དག་གིས་འགྲུབ་པར་དཀའོ།། སྣ་ཚོགས་གཏེར་གྱི་ཁང་པ་དག། རྒྱལ་པོའི་མཛོད་དུ་གྱུར་པས་ན།། སྤྱོད་སྒོ་འཇུག
326a3 པ་ཐམས་ཅད་ཀྱང་།། དཀའ་ཐུབ་ཕྱི་ནང་ཁྱད་པར་གྱིས།། རིན་ཆེན་སྣ་དགུའི་རིམ་པ་དག། སོ་སོའི་ལས་ཐབས་མཐོ་དམན་གྱིས།། ཡུལ་དེ་གཅིག་ལས་མེད་ན་ཡང་།། ཡིག་ཚང་སྒོ་དགུ་སོ་སོར་སྤྱོད།། རྒྱལ་པོར
326a4 གྱུར་ན་དེ་ཀུན་ལ།། དབང་བསྐུར་བྱེད་པའི་བདག་པོ་ཡིན།། མི་གནས་ཆོས་ཀྱི་དབྱིངས་ཉིད་དག། བལྟ་བའི་ཡུལ་དུ་གྱུར་པ་ན།། རིག་པ་རྩལ་གྱི་ཁྱད་པར་གྱིས།། བལྟ་ཡུལ་གཅིག་ལས་མེད་ན་ཡང་།། སོ་སོ་འཇུག
326a5 སྒོ་ཀུན་ནས་སྤྱོད།། དབྱིངས་ཀྱི་རང་བཞིན་གཅིག་པ་ལ།། རྩལ་འཕང་མཐོ་དམན་ཁྱད་པར་གྱིས།། སྐས་ཀྱི་གདང་བུ་རྩི་བ་ལྟར།། ས་དང་ཐེག་པའི་ཁྱད་པར་དུ།། མཐོ་དམན་རིམ་པར་སྣང་བ་ཡིན།། མཉམ་པར
326a6 གྱུར་པའི་གཞི་གཅིག་ལ།། མཐུན་དང་མི་མཐུན་དོན་གྱིས་ནི།། དཔེར་ན་ཁང་པ་སྒོ་མངས་བཞིན།། ས་དང་ཐེག་པ་སོ་སོའི་སྒོ།། མི་མཐུན་སོ་སོར་སྣང་བ་ཡིན།། སོ་སོའི་ཐེག་པའི་སྒོ་རྣམས་ལ། འཇུག་པ་ལ་སོགས
iiif viewer powered by OpenSeadragon
