| e-texts navigator |
| Wylie |
325a1 རྒྱུ་བའི་མི།། འདོད་པའི་ཡུལ་དུ་འགྲོ་བྱེད་ན།། ཡུལ་གྱི་རྣམས་པ་མཐའ་ཡས་ཀྱང་།། བགྲོད་པའི་ལམ་གནས་གཅིག་ལས་མེད།། དེ་བཞིན་བསམ་གྱིས་མི་ཁྱབ་པའི།། བརྒྱད་ཁྲི་བཞི་སྟོང་ཆོས་བསྟན
325a2 ཀྱང་།། བཀྲི་ཞིང་དྲང་བའི་ཚིག་ཡིན་ཏེ།། བསམ་པའི་ཡུལ་ནི་གཅིག་པའོ།། དོན་རྣམས་གཅིག་ཏུ་སྡུད་པ་ཡི།། བསླབ་པར་བྱ་བ་དམ་པ་སྟེ། ངེས་པར་གཅིག་ལས་མེད་པའི་ཕྱིར།། འདི་དག་གོམས་པར་བྱ་བ
325a3 ཡིན།། བསླབ་པ་འདི་ལ་གོམས་གྱུར་ན།། ལོབས་པའི་ཡོན་ཏན་མཐའ་ཡས་ཏེ།། ལོགས་པས་ལམ་ལ་མཁས་པར་འགྱུར།། སྔགས་ཀྱི་ཡོན་ཏན་ཆེན་པོ་ཡང་།། རྨད་དུ་བྱུང་བ་ཐོབ་པར་འགྱུར།། གསང་སྔགས་ཆེན
325a4 པོའི་ཁྱད་པར་ནི།། ཐམས་ཅད་ཐམས་ཅད་བྱའོ་ཅོག། བྱིན་གྱི་རླབས་ཀྱི་སྤྱོད་པའམ།། དབང་སྐུར་ཐབས་ཀྱི་སྤྱོད་པ་སྟེ།། དཔེར་ན་ནམ་མཁའ་རྒྱ་མཚོའམ།། ཇི་ལྟར་མེ་དཔུང་རྒྱལ་པོ་འདྲ།། དེ་ཡང་དེ་ཡུལ་ཆེན་ཆུང
325a5 ཁྱད་པར་ཉིད་ཀྱིས་བརླབས་པ་ཡིན།། རྒྱལ་པོ་དེ་ཡང་ཁྱད་པར་གྱིས།། དབང་སྒྱུར་བྱ་བའི་ཁམས་རྣམས་ལ།། ཆེ་ཆུང་རིམ་པ་ཡོད་པ་ཡིན།། རྣལ་འབྱོར་སྔགས་ཚུལ་དེ་ལྟར་སྣང་།། ཐབས་ཆེན་སྤྱོད་ལ་འཇུག་པ
325a6 ཡང་།། བབ་ཆོད་ཐད་དུ་འཇུག་པ་སྟེ། དཔེར་ན་གླང་ཆེན་ཆུར་འཇུག་པ།། རབ་དང་གླང་ཆེན་བབ་མི་བབ།། དེ་ཡང་རྩལ་སྒྱིད་དྲག་ཞན་གྱིས།། ལ་ལ་ཐད་དུ་གཅོད་པ་ལ།། ལ་ལ་བསྲེགས་སུ་འགྲོ་བ་ཡིན།། ལ་ལ
iiif viewer powered by OpenSeadragon
