| e-texts navigator |
| Wylie |
324b1 སྟེ།། དོན་ལ་སེམས་ཀྱིས་བལྟ་བ་སྟེ།། བསླབ་པ་འདི་དག་གོམས་པ་གཅེས།། དཔེར་ན་རྒྱ་མཚོར་ནོར་ལེན་མི།། སྦྲུལ་དང་ཆུ་སྲིན་སྦྲང་མ་ལས།། སོགས་པ་གདུག་པའི་སྡུག་བསྔལ་ཀུན།། དཀའ་བ་ཉམས་སུ་བླངས
324b2 ནས་འགྲུབ།། དེ་བཞིན་རྣལ་འབྱོར་བདེ་ཚོལ་བ།། རྣམ་རྟོག་བྱིང་རྨུགས་ཕྱར་གཡེང་དགྲ།། གཞོམ་པར་དཀའ་བའི་ལས་འདི་དག། ཉམས་སུ་བླངས་ན་བདེ་ཐོབ་རྙེད།། འདི་ནི་ཏིང་འཛིན་དམ་པ་ཡི།། ཉམས་སུ
324b3 བླངས་པའི་བསླབ་པ་སྟེ།། སེམས་ཀྱི་གོམས་པར་བྱ་བའི་ལས།། འདྲིས་པར་བྱ་བ་རབ་ཏུ་གཅེས།། ཇི་ལྟར་མུན་པར་དུག་དང་རྫས།། སྨན་སྣང་གསེར་དུ་བསྒྱུར་བས་ན།། འགྱུར་རྩི་མན་ངག་མེད་པའི་མིས།། དཀའ
324b4 བའི་ལས་ཆེན་སྣ་ཚོགས་པས།། སྡུག་བསྔལ་སྤྱད་ཀྱང་མི་འགྲུབ་སྟེ། སུ་ཞིག་མན་ངག་ལྡན་པའི་མིས།། ཚིགས་མེད་གྱི་ནའི་ཚུལ་གྱིས་ན།། བསྒྱུར་བས་སྨན་སྣང་གསེར་འགྱུར་ལྟར།། རྣལ་འབྱོར་ཆེན་པོའི་དོན་སྒྲུབ
324b5 པ།། ཀུན་གཞི་གནས་འགྱུར་མན་ངག་དང་།། གང་དག་མི་ལྡན་པས་ཀྱང་ནི།། དཀའ་བ་སྤྱད་ཀྱང་འགྲུབ་པ་མིན།། སེམས་ཀྱི་གསང་འདི་སུས་མཐོང་བ།། དེ་དག་མན་ངག་ལྡན་པ་སྟེ།། འདོད་པའི་དོན་མཆོག་གང
324b6 ཡིན་པ།། དེ་དག་ཚེགས་མེད་ཀྱི་ནས་འགྲུབ།། དོན་རྣམས་སྒྲུབ་པར་གང་བྱེད་པ།། མན་ངག་ཅན་གྱིས་འགྲུབ་པའི་ཕྱིར།། དོན་རྣམས་འགྲུབ་པར་འགྱུར་བ་ཡི།། བསླབ་པ་འདི་དག་རབ་ཏུ་གཅེས།། དཔེར་ན་ཀུན་དུ
iiif viewer powered by OpenSeadragon
