| e-texts navigator |
| Wylie |
323a1 རྫོགས་པའོ།། བྱང་ཆུབ་སེམས་ཞེས་གྲགས་པས་ན།། སེམས་བཅུ་དག་ཏུ་རྒྱལ་བས་བཤད།། བྱང་ཆུབ་སེམས་ཀྱི་རང་བཞིན་དེ།། སྐབས་བཅུ་དག་ཏུ་སྦྱོར་བས་ན།། གཟུགས་བརྙན་ཆོས་ཉིད་ངོ་ལ
323a2 སྣང་།། གཟུགས་བརྙན་རང་བཞིན་ཅི་ལྟར་སྣང་།། ཕྲ་མོ་ཙམ་གྱི་སྐར་མ་དང་།། དེ་བཞིན་སྐར་མ་ཐ་མལ་པ།། སྐར་མ་ཆེན་པོ་དག་དང་ནི།། ཟླ་བ་ཚེས་གཅིག་རྣམ་པ་དང་།། གཉིས་དང་གསུམ་དང་བཞི་དང
323a3 ལྔ།། བརྒྱད་དང་བཅུ་དྲུག་རྣམ་པ་ཡི།། གཟུགས་བརྙན་དག་ཏུ་སྣང་བ་སྟེ།། དངོས་པོར་སྣང་བ་ཅང་མ་ཡིན།། ཆུ་ཟླ་ལྟ་བུར་གཟུང་དུ་མེད།། སེམས་ཀྱི་གཟུགས་བརྙན་སྣང་བ་དང་།། ཆོས་ཉིད་གསལ་བའི་ཉི་མ
323a4 གཉིས།། ཡུལ་དང་དབང་པོའི་ཚུལ་ལྟ་བུར།། དབྱིངས་དང་ཡེ་ཤེས་རང་བཞིན་གསལ།། འདི་ནི་རྣལ་འབྱོར་སྦྱོར་བའི་ལམ།། བགྲོད་པར་བྱེད་པའི་ཐབས་ཆེན་ཡིན།། ལམ་འདི་གོམས་པར་བསླབ་བྱ་ན།། རྣལ
323a5 འབྱོར་བསླབ་པར་བྱ་བའི་མཐའ།། གནས་བཅུ་དག་ཀྱང་འདི་ལྟ་སྟེ།། ཇི་ལྟར་ས་གཞི་གཤིན་པ་ལ།། བརྟེན་ནས་ས་བོན་བཏབ་པ་ལས།། འབྲས་བུར་སྨིན་པར་གྱུར་པ་ཡིས།། འཚོ་བ་བྱེད་པའི་སྲོག་འཛིན
323a6 ལྟར།། ཆོས་ཉིད་ཀུན་གྱི་གཞིར་གྱུར་པའི།། དམ་ཚིག་འདི་ལ་བརྟེན་ནས་ནི།། དངོས་གྲུབ་ལོ་ཏོག་སྨིན་པ་ཡིས།། དགེ་བའི་སྲོག་འཛིན་དམ་པའོ།། བསླབ་པ་འདི་ཡི་དམ་ཚིག་སྟེ།། བསླབ་པ་ཀུན་གྱི་གཞི་འཛིན
iiif viewer powered by OpenSeadragon
