| e-texts navigator |
| Wylie |
321b1 བཅས་པའོ།། བརྣབ་སེམས་དང་བཅས་པའོ།། གནོད་སེམས་དང་བཅས་པའོ།། ལོག་པར་ལྟ་བ་དང་བཅས་པའོ།། འདུས་པ་ཆེན་པོའི་ཚོགས་དེ་བས་ན། སངས་རྒྱས་ཀྱི་ཆོས་དེ་རྣམས་ལ་སྤྱོད་པར་འདོད་པས་ལམ
321b2 འདི་ལ་བསླབ་པར་བྱའོ།། ཤེས་པར་བྱའོ།། གོམས་པར་བྱའོ།། ཀློང་དུ་གྱུར་པར་གྱིས་ཤིག་ཅེས་སེམས་དཔའ་རྡོ་རྗེ་དམ་པས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས
321b3 རྣལ་འབྱོར་རང་བཞིན་གྱི་ལེའུ་སྟེ་དང་པོའོ།། །། དེ་ནས་འཁོར་དེར་འདུས་པར་གྱུར་པའི་འདུས་པ་ཕལ་མོ་ཆེའི་ཚོགས་ཀྱིས་རྨད་བྱུང་གི་ཕྱག་རྣལ་འབྱོར་ལུགས་སུ་བྱས་ནས། སེམས་དཔའ་རྡོ་རྗེ་དམ་པ་ལ
321b4 འདི་སྐད་ཅེས་གསོལ་ཏོ།། སེམས་དཔའ་ཆེན་པོ་སྨྲ་བའི་སེངྒེ་ཁྱོད་ལ་བདག་ཅག་ཤིན་ཏུ་ཞུ་བར་སྤོབས་ན་གནང་བའི་སྐབས་དབྱེ་བར་གསོལ། དེ་སྐད་ཅེས་གསོལ་བ་དང་། སྨྲ་བའི་སེངྒེ་དེས་འདི་སྐད་ཅེས་བཀའ
321b5 སྩལ་ཏོ།། འདུས་པ་ཆེན་པོའི་ཚོགས་ཇི་ལྟར་ཞུ་བའི་དོན་གནང་གིས་ཀུན་དུ་སྤོབས་པ་སྐྱེད་ལ་ཞུ་བའི་དོན་གསོལ་ཅིག་དེ་སྐད་ཅེ་བཀའ་སྩལ་པ་དང་། འདུས་པ་ཆེན་པོའི་ཚོགས་ཀྱིས་ཨ་ལ་ལ་ཧོ་ཞེས་གསོལ
321b6 ཏོ།། སྨྲ་བའི་སེངྒེ་ཆེན་པོ་ཁྱོད་ཀྱིས་རྒྱལ་ཆེར་བཤད་པའི་རྣལ་འབྱོར་རང་བཞིན་ཆེན་པོའི་དོན་གྱི་རྗེས་སུ་བདག་ཅག་འཇུག་པར་འཚལ་ན། འདི་ལ་འཇུག་པའི་སྒོ་དུ་མཆི། ཐབས་ཇི་ལྟར་ལགས། ལམ་གང་ལྟར་བ
iiif viewer powered by OpenSeadragon
