| e-texts navigator |
| Wylie |
320b1 རྒྱས་བྱེ་བ་དགྱེ་བར་འདོད་པ་དང་།། སངས་རྒྱས་བྱེ་བ་བ་སྤུ་གཅིག་གི་ནང་དུ་ཤོང་བར་འདོད་པ་དང་། འཁོར་བ་ཐམས་ཅད་པ་སྤུ་གཅིག་ཏུ་རྔུབ་པར་འདོད་པ་དང་། བ་སྤུ་གཅིག་གིས་འཁོར་བ་ཐམས་ཅད་ལ་ཁྱབ
320b2 པར་འདོད་པ་དང་། བསྐལ་པའི་འཁོར་ལོ་ཆེན་པོ་རིང་དུ་བསྲུབ་པར་འདོད་པ་དང་། ཐུང་དུ་བསྲབ་པར་འདོད་པ་དང་། དུས་ཀྱི་འཁོར་ལོ་ཆེན་པོ་མཉམ་པར་བསྐོར་བར་འདོད་པ་དང་། འཁྲུག་པར་བསྐོར་བར
320b3 འདོད་པ་དང་། ལས་ཀྱི་འཁོར་ལོ་ཆེན་པོ་རྒྱུན་དུ་བསྐོར་བར་འདོད་པ་དང་། རྒྱུན་གཅད་པར་འདོད་པ་དང་། སྲིད་པའི་འཁོར་ལོ་བཟློག་པར་འདོད་པ་དང་ལུགས་སུ་བསྐོར་བར་འདོད་པ་དང་། སྡུག་བསྔལ་གྱི
320b4 འཁོར་ལོ་ཆེན་པོ་རྒྱུན་གཅད་པར་འདོད་པ་དང་། དམྱལ་བའི་འཁོར་ལོ་ཆེན་པོ་དོང་སྤྲུགས་པར་འདོད་པས་ཀྱང་ལམ་འདི་ལ་བསླབ་པར་བྱའོ།། འདུས་པ་ཆེན་པོའི་ཚོགས་གཞན་ཡང་འདི་ལྟ་སྟེ། རྣལ་འབྱོར་རྟོགས
320b5 པའི་རི་བོ་བརྒྱད་ཅུ་རྩ་གཅིག་གཞིལ་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། དངོས་གཞིའི་རྟོག་པ་དགུ་དང་། མཚན་མའི་རྟོག་པ་དགུ་དང་། རྟགས་ཀྱི་རྟོག་པ་དགུ་དང་། རྐྱེན་གྱི་རྟོག་པ་དགུ་དང་།
320b6 ལས་ཀྱི་རྟོག་པ་དགུ་དང་། སྤྱོད་པའི་རྟོག་པ་དགུ་དང་། བསྐྱོད་པའི་རྟོག་པ་དགུ་དང་། ཞེན་པའི་རྟོག་པ་དགུ་དང་། མངོན་པར་རྟོག་པ་དགུའོ།། འདུས་པ་ཆེན་པོའི་ཚོགས་གཞན་ཡང་འདི་ལྟ་སྟེ། ལྟུང་བའི་སྒོ་དགུ
iiif viewer powered by OpenSeadragon
