| e-texts navigator |
| Wylie |
31b1 ཡུལ་ལས་འདས།། འཁོར་ལོ་ཉིད་དུ་ཤེས་པར་བྱ།། དོན་དམ་ཀུན་རྫོབ་སེམས་བསྐྱེད་ནས།། མཚན་མེད་མཚན་མ་རྣམས་བསྒོམས་པས།། ཆོས་ཀྱི་སྐུ་དང་གཟུགས་སྐུ་འགྲུབ།། ཞི་དང་ཐུགས་རྗེར་འབྲེལ
31b2 བའོ།། ཡང་ན་གཅིག་དང་དུ་མ་ཡི།། རང་བཞིན་མེད་དེ་གཟུགས་བརྙན་བཞིན།། དངོས་པོ་གང་དང་གང་ལ་ཡང་།། མཚན་མ་ཡོད་པ་མ་ཡིན་ནོ།། རང་བཞིན་རང་བཞིན་མེད་མཐོང་བ།། ངོ་བོ་ཉིད་དུ་གནས་པ
31b3 ཡིན།། མུ་བཞི་སྐྱེ་བ་རྣམ་བྲལ་ཕྱིར།། རང་བཞིན་མེད་དེ་སྐྱེ་མེད་བལྟ།། དྲང་པོར་འདུག་ལ་ཡང་དག་ལྟོས།། ཡང་དག་མཐོང་ན་རྣམ་པར་གྲོལ།། རྟེན་ཅིང་འབྲེལ་བ་གང་བྱུང་བ།། རང་བཞིན་མེད་པས་གཟུགས
31b4 བརྙན་འདྲ།། སྔོན་དང་ཕྱི་མའི་མཐའ་སྤངས་ཏེ།། འགྲོ་བ་སྒྱུ་མ་བཞིན་དུ་སྣང་།། ངོ་བོ་ཉིད་ཀྱིས་མ་སྐྱེས་པས།། སྐྱེ་དང་འགག་པ་མི་འགྱུར་ཏེ།། མཐོང་བའི་ཆོས་ཉིད་དེ་བཞིན་གཤེགས།། རྟེན་ཅིང་འབྲེལ་བ་དེ
31b5 བཞིན་གཤེགས།། རྟེན་ཅིང་འབྲེལ་བ་ཟབ་མོའི་དོན།། དམ་པའི་དོན་དུ་བསྒོམ་པར་བྱ།། སྲིད་གསུམ་རང་བཞིན་མེད་མཐོང་ན།། ཁམས་གསུམ་འགྲོ་རྣམས་དབང་དུ་གྱུར།། གསང་བ་ཟབ་མོའི་དོན་ཉིད
31b6 ལ།། འཛིན་པ་མེད་པར་མེད་པ་ཡི།། ཡོད་པ་མེད་པར་ཤེས་འདུག་ན།། ད་ལྟ་ཉིད་དུ་ས་གསུམ་རྫོགས།། བྱ་མེད་བྱ་དང་རྣམ་པར་བྲལ།། ཁམས་གསུམ་ལས་འདས་རིན་པོ་ཆེ།། ཡོན་ཏན་ཐམས་ཅད་འབྱུང་བའི
iiif viewer powered by OpenSeadragon
