| e-texts navigator |
| Wylie |
31a1 པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་མན་ངག་གི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ
31a2 ལ། དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ།། ཨེ་མ་ཧོ་སངས་རྒྱས་ཐམས་ཅད་ཀྱི།། བྱང་ཆུབ་སེམས་ནི་གང་ཡིན་པ།། དོན་དམ་ཅི་ཡང་མེད་པ་ལས།། ཀུན་རྫོབ་དག་ཏུ་བཤད་པར
31a3 བྱ།། ཞེས་བརྗོད་པས་དེ་བཞིན་ཉིད་ཀྱི་དོན་ལ་རོལ་ཅིང་དགྱེས་ཏེ།། དགྱེས་པ་ཆེན་པོས་འདི་སྐད་ཅེས་བཀའ་སྩལ་ཏོ།། ཁ་ཅིག་ཀུན་གྱི་རང་བཞིན་ཞི་བ་ལ།། ཕྱོགས་སུ་བལྟས་པས་གྲུབ་མེད་དེ།། རང་བཞིན་གྱིས
31a4 ནི་རྟོགས་པ་དང་།། གཉེན་པོའམ་ཡང་ན་གཏན་ཚིགས་ཀྱིས།། ཤིན་ཏུ་ཞིབ་པར་བརྟག་བྱའོ།། དེ་ནས་དེ་བཞིན་གཤེགས་པའི་བདག་པོས།། གཏན་ཚིགས་ཀྱི་སྒོ་ནས་བསྒྲུབ་པ། དབུ་མའི་བརྟགས་པ་འདི་ལྟ་བུ
31a5 གསུངས་སོ།། ཁ་ཅིག་གཡོ་དང་མི་གཡོ་ཀུན།། དམ་པ་ཉིད་དུ་རང་བཞིན་མེད།། རང་བཞིན་མེད་ལས་ཅིར་ཡང་སྨོན།། བདག་དང་གཞན་དུ་གཉིས་ཀ་མེད།། རྒྱུ་མེད་པ་ལས་སྐྱེ་བྲལ་ཕྱིར།། ནམ་མཁའི་མེ་ཏོག་ཇི
31a6 བཞིན་ནོ།། ནམ་ཡང་སྐྱེ་བར་མི་འགྱུར་རོ།། གང་ཞིག་རྫོགས་ཆེན་འདོད་པ་ཡིས།། ཏིང་ངེ་འཛིན་ཏུ་མཉམ་གཞག་ནས།། སྤྱོད་པ་མ་རབས་ལྡན་པ་ལས།། གསང་བའི་དོན་ཉིད་བསྒོམ་པར་བྱ།། ལངས་ནས་ཕྱི་རོལ
iiif viewer powered by OpenSeadragon
