| e-texts navigator |
| Wylie |
319a1 རྒྱའི་ཡེ་ཤེས་དང་། སྤྲུལ་པའི་ཡེ་ཤེས་དང་། ཅིར་ཡང་མཛད་པའི་ཡེ་ཤེས་དང་།། མེ་ལོང་ལྟ་བུའི་ཡེ་ཤེས་དང་། ནམ་མཁའ་ལྟ་བུའི་ཡེ་ཤེས་དང་།། སྒྱུ་མ་ལྟ་བུའི་ཡེ་ཤེས་དང་།། རིན་པོ་ཆེ་ལྟ་བུའི་ཡེ
319a2 ཤེས་དང་།། ཉི་མ་ལྟ་བུའི་ཡེ་ཤེས་དང་།། སྣང་སྟོང་གསལ་བའི་ཡེ་ཤེས་དང་།། མཉམ་པ་ཉིད་ཀྱི་ཡེ་ཤེས་དང་།། སོ་སོར་རྟོག་པའི་ཡེ་ཤེས་དང་།། བྱ་བ་ནན་ཏན་གྱི་ཡེ་ཤེས་དང་།། ཆོས་ཀྱི་དབྱིངས་ཀྱི་ཡེ་ཤེས་སུ
319a3 གསལ་བའི་ཕྱིར་ཡེ་ཤེས་ཆེན་པོ་ཞེས་བྱའོ།། འདུན་པ་སེམས་པའི་རྣལ་འབྱོར་དང་།། བཀའ་སྡོད་ལས་ཀྱི་རྣལ་འབྱོར་དང་། རིགས་ཆེན་འབྱེད་པའི་རྣལ་འབྱོར་དང་།། རྟགས་ཀྱི་རྣལ་འབྱོར་དང་། གསང་སྒོ་ལུང་གི
319a4 རྣལ་འབྱོར་དང་།། སྤྱོད་པ་རྒྱུན་གྱི་རྣལ་འབྱོར་དང་།། མཚན་མ་རྟགས་ཀྱི་རྣལ་འབྱོར་དང་། ལུང་ཆེན་ཐོབ་པའི་རྣལ་འབྱོར་དང་།། རིག་པ་འཛིན་པའི་རྣལ་འབྱོར་དང་།། རྩལ་ཆེན་སྦྱོང་བའི་རྣལ་འབྱོར
319a5 དང་།། ཡོངས་སུ་རྫོགས་པའི་རྣལ་འབྱོར་དང་།། ལྷུན་གྱིས་གྲུབ་པའི་རྣལ་འབྱོར་དུ་གནས་པའི་ཕྱིར་རྣལ་འབྱོར་ཞེས་བྱའོ།། མཉམ་པ་ཉིད་དུ་གྲུབ་པ་དང་། བདེ་བ་ཆེན་པོ་གྲུབ་པ་དང་། ཡོངས་སུ་རྫོགས་པར་གྲུབ
319a6 པ་དང་། ཐམས་ཅད་ལྷུན་གྱིས་གྲུབ་པའི་ཕྱིར་གྲུབ་པ་ཆེན་པོ་ཞེས་བྱའོ།། རྒྱུ་དང་འབྲས་བུར་སྦྱོར་བ་དང་། ཐབས་དང་ཤེས་རབ་ཏུ་སྦྱོར་བ་དང་། དབྱིངས་དང་ཡེ་ཤེས་སུ་སྦྱོར་བ་དང་། སེམས་དང་ཆོས་སུ་སྦྱོར་བ
iiif viewer powered by OpenSeadragon
