| e-texts navigator |
| Wylie |
318a1 ནོར་བ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་བཞིན་དུ་ངེས་པ་གཉིས་དང་། ཡོན་ཏན་གསུམ་དང་། དགོངས་པ་བཞི་དང་། ཆེན་པོ་ལྔ་དང་། ཚོགས་པ་དྲུག་དང་།
318a2 འབྱུང་ཚུལ་བཅུ་གཉིས་དང་། ཏིང་ངེ་འཛིན་བཅུ་གཉིས་དང་། ཡེ་ཤེས་ཆེན་པོ་བཅོ་བརྒྱད་དང་། རྣལ་འབྱོར་ཆེན་པོ་བཅུ་གཅིག་དང་། སྒྲུབ་པ་ཆེན་པོ་བཞི་དང་། སྦྱོར་བ་ལྔ་དང་། དངོས་གྲུབ་ཆེན་པོ་དྲུག་དང་།
318a3 རྫོགས་པ་ཆེན་པོ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་ཅིའི་ཕྱིར་ཞེ་ན། རྒྱུ་ཉིད་འབྲས་བུར་གྲུབ་པའི་ཕྱིར་གཏན་ལ་ཕེབས་པས་མ་ནོར་བ་ཞེས་བྱའོ།། ཐེ་ཚོམ་མི་ཟ་བའི་ཕྱིར་ཐབས
318a4 ཀྱིས་ངེས་པ་དང་། ཤེས་རབ་གྱིས་ངེས་པས་ངེས་པ་ཞེས་བྱའོ།། འདོད་པ་འབྱུང་བའི་ཕྱིར་ཡང་ཡོངས་སུ་ཁྱབ་པ་དང་། རླབས་སུ་ཆེ་བའི་ཡོན་ཏན་དང་།། རྩིས་ལས་འདས་པའི་ཕྱིར་ཡོན་ཏན་ཞེས་བྱའོ།། ཐབས
318a5 ཀྱིས་ལྡེམ་པོར་དགོངས་པའི་ཕྱིར་མཉམ་པ་ཉིད་ལ་དགོངས་པ་དང་།། མཚན་ཉིད་ཀྱི་ཕྱིར་དུས་གཞན་ལ་དགོངས་པ་དང་། གཉེན་པོའི་ཕྱིར་གྲངས་གཞན་ལ་དགོངས་པ་དང་། བསྒྱུར་བའི་ཕྱིར་དོན་གཞན་ལ
318a6 དགོངས་པས་ན་དགོངས་པ་ཞེས་བྱའོ།། ལྷག་པར་འཕགས་པའི་ཕྱིར་མངོན་པ་དང་། བདག་ཉིད་ཆེན་པོ་དང་། དེ་ཡིན་པ་དང་། ཐམས་ཅད་དུ་ཆེ་བ་དང་། ཀུན་དུ་རྫོགས་པའི་ཕྱིར་ཆེན་པོ་ཞེས་བྱའོ།། ཀུན་ནས་ཚང
iiif viewer powered by OpenSeadragon
