| e-texts navigator |
| Wylie |
317b1 དང་། དམིགས་པ་མེད་པའི་ཆོས་ཐམས་ཅད་ཤེས་པའི་ཡེ་ཤེས་དང་། མཚན་མར་མི་རྟོགས་པའི་ཆོས་ཐམས་ཅད་ཤེས་པའི་ཡེ་ཤེས་དང་། ངོ་བོ་ཉིད་ཀྱི་ཆོས་ཐམས་ཅད་ཤེས་པའི་ཡེ་ཤེས་དང་། དངོས་པོ་མི་དམིགས
317b2 པའི་ཆོས་ཐམས་ཅད་ཤེས་པའི་ཡེ་ཤེས་དང་། བརྟེན་ཏེ་གནས་པའི་ཕྱིར་མི་གོས་པའི་རིག་པ་དང་། མི་ཉམས་པར་རིག་པ་དང་། མི་སྒྲིབ་པར་རིག་པ་དང་། རྫོགས་པར་རིག་པ་དང་། མ་གཡོས་པར་རིག་པ་དང་།
317b3 མཉམ་པ་ཉིད་དུ་རིག་པ་དང་། གཉིས་སུ་མེད་པར་རིག་པ་དང་། ཡོངས་སུ་དག་པར་རིག་པ་དང་། ཀུན་དུ་ལེགས་པར་རིག་པ་དང་། དེ་མ་ཐག་པར་རིག་པ་དང་། རྫོགས་པར་ཆུབ་པའི་རིག་པ་ལ་བརྟེན་པའི་ཕྱིར
317b4 ས་ཞེས་བྱའོ།། ཀུན་ཏུ་བརྗོད་ཅིང་ངོ་བོ་ཉིད་དུ་གནས་པའི་ཕྱིར་ངོ་བོ་ཉིད་དང་། ཆོས་ཉིད་དང་།། རྫོགས་ལོངས་སྤྱོད་པ་དང་། འདྲེན་པར་སྤྲུལ་པའི་ཕྱིར་སྐུ་ཞེས་བྱའོ།། བགྲོད་ཅིང་འཇུག་པའི་ཕྱིར་ཚོགས་དང་།
317b5 སྦྱོར་བ་དང་མཐོང་བ་དང་། བསྒོམ་པ་དང་། མཐའ་ཟད་དུ་ཕྱིན་པའི་ཕྱིར་ལམ་ཞེས་བྱའོ།། རྒྱུ་ལ་དོན་ཡོན་པའི་ཕྱིར་གཅིག་ཏུ་རྫོགས་པ་དང་། ཐམས་ཅད་དུ་མཁྱེན་པ་དང་། ཡོངས་སུ་ཁྱབ་པ་དང་། ཚོགས་སུ
317b6 འབྱུང་བ་དང་། ཀུན་དུ་དབང་བ་དང་། དགོས་པ་ཚང་བའི་ཕྱིར་འབྲས་བུ་ཞེས་བྱའོ།། མངོན་པར་རྫོགས་པའི་ཕྱིར་བྱང་ཆུབ་ཆེན་པོ་ཞེས་བྱའོ།། འདུས་པ་ཆེན་པོའི་ཚོགས་འབྲས་བུའི་རྣལ་འབྱོར་ནི་འདི་ལྟ་སྟེ། མ
iiif viewer powered by OpenSeadragon
