| e-texts navigator |
| Wylie |
314a1 གཤེགས་པར་གྱུར་རོ།། ད་ལྟར་སྟོང་པ་ཉིད་ཀྱང་ལམ་འདི་ནས་གཤེགས་པ་སྟེ། དེའི་ཕྱིར་ལམ་འདི་ཤེས་པར་བྱའོ།། དེ་ལྟར་ན་དེའི་ཕྱིར་ལམ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཡབ
314a2 ཅེས་ཀྱང་བྱའོ།། དེ་བཞིན་དུ་ཡུམ་ཞེས་ཀྱང་བྱ་བ་དང་། སྲས་ཤེས་བྱ་བ་དང་། བདག་པོ་ཞེས་བྱ་བ་དང་། གདུང་ཞེས་བྱ་བ་དང་། སྲོག་ཅེས་བྱ་བ་དང་། ནོར་ཞེས་བྱ་བ་དང་། བྲན་ཞེས་བྱ་བ་དང་། སྐུ་ཞེས་བྱ་བ
314a3 དང་། གསུང་ཞེས་བྱ་བ་དང་། ཐུགས་ཞེས་བྱ་བ་དང་། ཡོན་ཏན་ཞེས་བྱ་བ་དང་། ཕྲིན་ལས་ཆེན་པོ་ཞེས་བྱ་བའོ།། དེ་ཅིའི་ཕྱིར་ཞེས་ན། ཐབས་ཆེན་པོ་དང་། ཤེས་རབ་ཆེན་པོ་དང་། བྱང་ཆུབ་ཆེན་པོ་དང་། དབང
314a4 ཆེན་པོ་དང་། དེ་བཞིན་ཉིད་དང་། འདའ་བར་དཀའ་བ་དང་། ཆོས་ཉིད་ལ་ཟད་མི་ཤེས་པ་དང་། སྙིང་རྗེ་ཆེན་པོ་དང་། རྣམ་པར་བརྗིད་པ་དང་། སྣ་ཚོགས་སུ་སྟོན་པ་དང་། ཐམས་ཅད་དུ་མཁྱེན་པ་དང་། ཅིར་ཡང
314a5 འབྱུང་བ་དང་། མཛད་པ་སྣ་ཚོགས་པའི་ཕྱིར་དེ་དག་ནི་དེ་ལྟར་ཡིན་པར་ཤེས་པར་བྱའོ།། དེའི་ཕྱིར་ཡང་ལམ་འདི་ཡོངས་སུ་ཤེས་པར་བྱའོ།། དེ་བཞིན་དུ་འདོད་པ་ཆེན་པོ་ཞེས་ཀྱང་བྱའོ།། འཚོ་བ་ཆེན་པོ་ཞེས་བྱ་བ
314a6 དང་། ལོངས་སྤྱོད་ཆེན་པོ་ཞེས་བྱ་བ་དང་། ཡོ་བྱད་ཆེན་པོ་ཞེས་བྱ་བ་དང་། རྒྱུ་ཞེས་བྱ་བ་དང་། རྐྱེན་ཞེས་བྱ་བ་དང་། འབྲས་བུ་ཞེས་བྱ་བ་དང་། སྤྱོད་པ་ཞེས་བྱ་བ་དང་། ཆོ་འཕྲུལ་ཞེས་བྱ་བ་དང་། ཕྱག་རྒྱ་ཞེས་བྱ
iiif viewer powered by OpenSeadragon
