| e-texts navigator |
| Wylie |
313b1 བྱའོ།། རབ་ཅེས་བྱའོ།། མཆོག་ཅེས་བྱའོ།། ཕུལ་ཞེས་བྱའོ།། བླ་ན་མེད་པ་ཞེས་བྱའོ།། ཟབ་པ་ཞེས་བྱའོ།། གསང་བ་ཞེས་བྱའོ།། གཏིང་པ་དཔག་དཀའ་བ་ཞེས་བྱའོ།། ཆོས་ཞེས་བྱའོ།། བྱང་ཆུབ་སེམས་དཔའ་ཞེས
313b2 བྱའོ།། སངས་རྒྱས་ཞེས་བྱའོ།། དེ་ཅིའི་ཕྱིར་ཞེས་ན།། འཇུག་པའི་ཕྱིར་ནི་ལམ་མོ།། འཁྲུལ་པའི་ཕྱིར་ནི་འཁོར་བའོ།། མ་ཤེས་པའི་ཕྱིར་ནི་སེམས་ཅན་ནོ།། སྒྲོལ་བའི་ཕྱིར་ནི་གྲུའོ།། བསྐྱོད་པའི་ཕྱིར་ནི་བགྲོད
313b3 པའོ།། བདེ་བའི་ཕྱིར་ནི་བྱང་ཆུབ་བོ།། དྲན་པ་ངེས་པའི་ཕྱིར་ནི་སེམས་སོ།། མཁས་པའི་ཕྱིར་ནི་ཤེས་རབ་བོ།། གསལ་བའི་ཕྱིར་ནི་ཏིང་ངེ་འཛིན་ཏོ།། ཕྱིན་པའི་ཕྱིར་ནི་གནས་སོ།། ཟླ་མེད་པའི་ཕྱིར་ནི་རབ་བོ།། ངོ
313b4 མཚར་བའི་ཕྱིར་ནི་མཆོག་གོ། འཕགས་པའི་ཕྱིར་ནི་ཕུལ་ལོ།། དབང་བྱེད་པ་མེད་པའི་ཕྱིར་ནི་བླ་ན་མེད་པའོ།། གཏིང་རིང་པའི་ཕྱིར་ནི་ཟབ་པའོ།། གབ་པའི་ཕྱིར་ནི་གསང་བའོ།། ཕྲ་བའི་ཕྱིར་ནི་གཏིང་དཔག
313b5 དཀའ་བའོ།། ཀུན་འབྱུང་པའི་ཕྱིར་ནི་ཆོས་སོ།། ས་ནོན་པའི་ཕྱིར་ནི་བྱང་ཆུབ་སེམས་དཔའོ།། མཐར་ཕྱིན་པའི་ཕྱིར་ནི་སངས་རྒྱས་ཏེ།། སེམས་དཔའ་ཆེན་པོ་དེའི་ཕྱིར་ན་རྣལ་འབྱོར་གྱི་ལམ་འདི་ཤེས་པར་བྱ
313b6 སྟེ།། ལམ་འདི་ནི་ཆོས་ཐམས་ཅད་ཀྱི་གཞིའོ།། སངས་རྒྱས་ཐམས་ཅད་ཀྱི་ཡུམ་མོ།། དེ་ཅིའི་ཕྱིར་ཞེ་ན།། ཆོས་ཐམས་ཅད་འདི་ལས་འབྱུང་བའི་ཕྱིར་ན་གཞིའོ།། མཐར་ཕྱིན་པའི་སངས་རྒྱས་ཀྱི་ལམ་འདི་ནས
iiif viewer powered by OpenSeadragon
