| e-texts navigator |
| Wylie |
313a1 དེ་མཐོང་བར་ཡོང་མི་ནུས།། དེ་འདྲའི་འདུ་ཤེས་འབྱུང་བར་འགྱུར།། དེ་ལྟར་ཤེས་པའི་ཉམས་དྲོད་ནི། སྐལ་དང་ལྡན་པའི་སྐྱེས་བུ་གང་།། རྒྱུད་འགྲོས་ཚིག་གིས་མ་བཀྲོལ་བར།། སེམས་ལས
313a2 ཆོས་བྱུང་འབུམ་ཕྲག་ཡས།། སྨྲ་བའི་སྒོ་མོར་ཐམས་ཅད་གསལ།། དོན་ལ་ངེས་པའི་གཏན་ཚིགས་དག། ཚིག་ཏུ་མཚོན་ཏེ་འབྱིན་པར་ནུས།། དེ་ནི་ཆོས་སྐུ་མཉམ་ཉིད་དང་།། དབྱེར་མེད་གཉིས་སུ་མེད་པ་ཡིན།། རྟེན
313a3 པའི་གསུང་ཐུགས་སྐུ་བརྙན་དང་།། དེ་ནི་མཚུངས་པ་ཡོད་མིན་ནོ།། ཞི་ལུས་མཐར་འགོག་སྐྱོན་གཉིས་དང་། དེ་ནི་མཚུངས་པ་ཡོད་མ་ཡིན།། ས་ལ་སློབ་པའི་སེམས་དཔའ་དང་། དེ་ཡང་མི་མཚུངས་རྒྱལ་བས
313a4 གསུངས།། རིག་འཛིན་དྲང་སྲོང་དོན་དཔྱོད་དང་། ལུས་འདྲ་སེམས་ནི་ཡོང་མི་མཚུངས།། དེ་ཕྱིར་རྣམ་དག་ལམ་ཆེན་ནི།། སེམས་ཀྱི་གསང་འདི་ཡིན་པས་ན།། སྐལ་ལྡན་འདུས་པ་ཆེན་པོའི་ཚོགས། ལམ་འདི་ཤེས
313a5 པར་བྱ་བ་ལས།། བཙལ་བར་བྱ་བའི་རྒྱུ་མེད་དེ།། ལམ་འདི་ཤེས་པ་དེ་ཉིད་ཀྱིས།། དཀའ་བའི་རྩོལ་སྒྲུབ་མ་བྱས་པར།། ཐམས་ཅད་ཐམས་ཅད་གྲུབ་པར་འགྱུར།། འདུས་པ་ཆེན་པོའི་ཚོགས་དེ་བས་ན་སེམས་འདི
313a6 ནིལམ་ཞེས་བྱའོ།། འཁོར་བ་ཞེས་བྱའོ།། སེམས་ཅན་ཞེས་བྱའོ།། གྲུ་ཞེས་བྱའོ།། བགྲོད་པ་ཞེས་བྱའོ།། བྱང་ཆུབ་ཅེས་བྱའོ།། སེམས་ཞེས་བྱའོ།། ཤེས་རབ་ཅེས་བྱའོ།། ཏིང་ངེ་འཛིན་ཅེས་བྱའོ།། གནས་ཞེས
iiif viewer powered by OpenSeadragon
