| e-texts navigator |
| Wylie |
312b1 ནམ་མཁའ་འདྲར་མཚུངས་ཏེ།། ཀུན་ཁྱབ་སྟོང་གསལ་སྣ་ཚོགས་འབྱུང་།། བྱུང་ཚོར་གཡོ་འགོག་ཐམས་ཅད་ཀྱང་།། རང་བཞིན་གྱིས་འབྱུང་དང་གིས་ཞི།། མདོར་ན་ཇི་ལྟར་བརྟགས་བསམ་བཞིན།། འགྱུར
312b2 བས་ཐམས་ཅད་ངོ་བོར་སྣང་།། མ་བཅོས་གཡོ་བ་མེད་ཉིད་ལ།། སྣ་ཚོགས་རྒྱུ་འབྱུང་མི་སྐྱོན་ཞིང་།། ཆོ་འཕྲུལ་མི་འགག་ཉམ་ང་མེད།། ཅི་བཞིན་ནམ་མཁའི་རང་བཞིན་ལ།། བློ་བཞག་མ་གཡེངས་ཁོ་ནར་ཟད།། དེ
312b3 ནི་སྐྱེས་མཆོག་དོན་པོ་ཆེ།། དེ་སེམས་དུས་གསུམ་ཐམས་ཅད་ཀྱི།། སངས་རྒྱས་འབྱུང་བའི་ངོ་བོ་ཡིན།། དེ་ལྟའི་དོན་ལ་རིང་ཞིག་ནས།། ཤེས་ཤིང་འདྲིས་པར་གྱུར་པ་ན།། ངེས་དོན་མཐོང་བའི་ཉམས་དྲོད་ནི།། དོན
312b4 དང་མཇལ་བའི་རྟགས་ཆེན་ཡང་།། མན་ངག་ལུང་གིས་བརྒྱད་འཆར་ཏེ།། ངེས་པར་དོན་གསུམ་མྱོང་བར་འགྱུར།། དེ་དག་ཐོག་ཏུ་ཕེབས་པ་ཡི།། དྲོད་ཆེན་རྟགསས་སུ་བསྟན་པ་ཡིན།། དེ་ཡི་ཞར་ལས་བྱུང་བའི
312b5 དྲོད།། འཁོར་བའི་ཆོས་ལ་སྙིང་རྗེ་ཡི།། བྱང་ཆུབ་སེམས་ཀྱང་སྐྱེ་བར་འགྱུར།། མཚན་མ་རྟོགས་པའི་ཆོས་རྣམས་ལ།། ཡིད་མི་ཤེས་པའི་འདུ་ཤེས་སྐྱེ།། ཆོས་རྣམས་འདི་ལྟར་ཡིན་པ་ལས།། འདི་ལྟར་འཁྲུལ་པ་ངོ
312b6 མཚར་ཆེ།། ཡ་མཚན་དཔྱོད་པའི་འདུ་ཤེས་འབྱུང་།། འདི་དོན་མ་ཤེས་འགྲོ་བ་རྣམས།། རྩོལ་སྒྲུབ་དཀའ་བའི་ཐབས་ཆེན་གྱིས།། ཡང་དག་དོན་ཚོལ་ལམ་རེ་རིང་།། བསགས་པའི་འབྲས་བུ་ཡོད་འགྱུར་ཡང་།། དོན
iiif viewer powered by OpenSeadragon
