| e-texts navigator |
| Wylie |
311b1 དག་ལམ་ཉིད་དེ།། མཁའ་ལ་བྱ་ལམ་རྗེས་མེད་བཞིན།། གོལ་མེད་ལམ་ཞེས་འདྲེན་པར་བཤད།། དེ་ལྟར་བཤད་པའི་ལམ་དེ་ཡང་།། ཀུན་གྱིས་རྟོགས་པར་བྱ་བའི་ཕྱིར།། ཚིག་ཏུ་མཚོན་ཏེ་བཤད་མོད
311b2 ཀྱང་།། དམིགས་མེད་ཚིག་གི་ཡུལ་བྲལ་བ།། དེ་ཡི་རང་བཞིན་དེ་ཡིན་ན།། རང་བཞིན་གཞི་ལས་མཚན་མར་གཡོས།། དེ་ལ་མིང་མེད་མིང་བཏགས་རྒྱུས།། ཡིན་དང་མ་ཡིན་ཐེ་ཚོམ་སྐྱེས།། དེ་ལས་རྩོད་པའི་གཞིར
311b3 གྱུར་ཏེ།། དེ་བསལ་དོན་ཕྱིར་མཚན་མ་ཡི།། ཚིག་གི་ཚོགས་ཀྱི་རྣམ་གྲངས་ལས། སྒོ་མོ་དཔག་ཏུ་མེད་པར་བཤད།། དེ་ཡིས་ངེས་དོན་རྗེས་བཅད་པ།། ཐུགས་ཀྱི་ཀློང་ནས་བཏོན་པ་ཡི།། ཚིག་གི་སྒྲོན་མས་དོན
311b4 བཙལ་བ།། ལམ་ཉིད་ཇི་ལྟར་ཡིན་ཞེ་ན།། དྲན་བྱུང་རྗེས་སུ་འབྲེངས་ན་ནི།། འཁོར་བའི་གནས་སུ་འཁོར་བར་འགྱུར།། དྲན་འབྱུང་གཡོ་བ་ཅི་བཀག་པ།། དེ་དག་འགོག་པ་ཉིད་དུ་འགྱུར།། དྲན་བྱུང་མེད་པ་བླུན་པ
311b5 ནི།། མི་སྟེགས་ཅན་ལམ་མུན་པར་འགྱུར།། འདི་ཞེས་སེམས་སུ་གཅིག་བཟུང་ན།། མཚན་མ་རྟོག་པའི་རི་བོ་ཡིན།། སྔ་ཕྱི་མེད་ཅེས་ཕྱང་བཅད་ན།། མེད་དེ་ཆད་པའི་མུ་ཅན་ཡིན།། གཞི་ཡི་དོན་ལས་ཡུད་ཙམ
311b6 ཞིག། ཅིར་གཡོས་སྐྱེ་འགག་བྱུང་བ་དེ། རྣམ་གྲངས་ལམ་དེ་འཕེལ་འབྱུར་གྱི།། ལམ་གྱི་ཆོས་ཉིད་ག་ལ་འགྱུར།། དཔེར་ན་འགྲོ་གང་བྱིས་པ་དག། གྲིབ་མ་སྤངས་ནས་རྣམ་དག་ཚོལ།། ཡང་ལས་བྱུང་བའི་རང་བཞིན
iiif viewer powered by OpenSeadragon
