| e-texts navigator |
| Wylie |
310b1 ལུས་དབེན་དབེན་མ་ཡིན།། མཁའ་ལ་སེམས་དབེན་དབེན་པའི་མཆོག། སེམས་ཉིད་དབེན་པའི་གནས་ཡིན་ཏེ།། འདི་ནི་རྣལ་འབྱོར་སྤྱོད་མཆོག་གནས།། བླ་གབ་རི་ཕུག་གཞལ་མེད་མིན།། སེམས་ཉིད་དཔག
310b2 ཡས་གཞལ་མེད་མཆོག། འདི་ནི་རྨད་བྱུང་ནོར་བུའི་གཞལ།། ཕྱི་དང་ནང་མེད་ཀུན་དུ་ནང་། འདུ་བར་འདུས་པའི་ཚོགས་མ་ཡིན།། སེམས་ལས་ཡེ་ཤེས་ཚོགས་འདུས་མཆོག། ཆོས་ཀུན་འདུས་པས་ལུས་པ
310b3 མེད།། དཔག་མེད་རྒྱལ་བ་མཉེས་པའི་ཚོགས།། ཀུན་རྫོབ་འབྱོར་པ་ཡོ་བྱད་མིན།། སེམས་ཉིད་འབྱོར་པ་རྫས་དང་ལྡན།། ལྷག་པའི་རྫས་མཆོག་འདི་ཤེས་ན།། བསྒྲུབ་འགྲུབ་འདི་ལ་ཐེ་ཚོམ་མེད།། སྒོམ་པར་བྱེད་པ
310b4 སྒོམ་པ་མིན།། བསམ་བྱ་དམིགས་སུ་མེད་པ་སྟེ།། འདི་ལྟར་སེམས་ཀྱི་གསང་སྒོམ་པ།། དོན་ལ་སེམས་སྒོམ་ཏིང་འཛིན་མཆོག། བསྲུང་ཞེས་བསྲུང་བར་བྱ་མི་དམིགས། སྟོང་པར་སྦས་པའི་སེམས་ཉིད་དེ།། མཚན
310b5 མར་འདས་ནས་ཚིག་ཤེས་ན།། བསྲུང་པའི་གསང་བ་དམ་པའོ།། ཚིག་ཏུ་མཉམ་བརྗོད་མཉམ་མི་དམིགས།། སེམས་ཉིད་རང་དག་མཉམ་པ་ལས།། མཉམ་པའི་དོན་ཉིད་ལྷག་པར་མེད།། འདི་དོན་མཉམ་ཤེས
310b6 མཉམ་པའི་དོན།། བརྟུལ་ཞུགས་སྤྱོད་པ་སྤྱོད་མིན་ཏེ།། སེམས་ལ་སེམས་གཞོལ་རོལ་སྤྱོད་པ།། ཐབས་ཆེ་ཡངས་པ་སྤྱོད་པའི་མཆོག། བྱང་ཆུབ་དོན་གྱི་ཕྱི་མོ་རུ།། སེམས་ཀྱི་ཕྱིར་མོར་ཡེ་གནས་པས།། གསོལ་ཐོབ
iiif viewer powered by OpenSeadragon
