| e-texts navigator |
| Wylie |
310a1 དེ།། རྒྱུ་ཡི་དུས་ཉིད་འབྲས་བུའི་མཆོག་དཔྱོད་པའི་སེམ་ཉིད་ཏིང་འཛིན་ནི།། སེམས་ཅན་དུས་མ་དོན་ལ་སྤྱོད།། ལྷུན་གྲུབ་ས་ལ་བགྲོད་མི་བྱེད།། འཁོར་བའི་ས་ཤེས་བདེ་ལྡན་གནས།། མི་གནས
310a2 འཁོར་བའི་སྡུག་བསྔལ་ཡང་།། བྱང་ཆུབ་འཁོར་བའི་ལམ་དང་འབྲེལ།། སྒྱུ་མའི་མཚན་ཉིད་མ་བཀལ་ཚུལ།། རང་བྱུང་རྟོག་བྲལ་གཅིག་ཏུ་མཉམ།། མཉམ་པ་ཉིད་ཀྱི་དོན་བཙན་པར།། ཆོས་ཉིད་ལ་ཡང་ཆོས་ཉིད
310a3 གསལ།། མཉན་པར་མཉམ་ཞེས་ཚིག་བརྗོད་ཀྱང་།། མཉམ་པའི་དོན་དང་མཐུན་མི་འགྱུར།། བྱང་ཆུབ་དེ་ཡང་མི་དམིགས་ཏེ།། མི་གནས་ཞེས་ནི་གང་བརྗོད་ཅིང་།། གནས་དང་དམིགས་པའི་གནས་འཛིན
310a4 པ།། གཟུང་འཛིན་ཞེས་ནི་དེ་ལ་བྱ།། སྒྱུ་འདྲར་བྱང་ཆུབ་སེམས་མེད་ན།། དངོས་བྲལ་ཡུལ་མེད་སྟོང་པ་དག། མཁའ་ལ་རང་བཞིན་མི་གནས་ཞེས།། བསྟན་པ་དེ་ནི་ཡོད་མ་ཡིན།། བསམ་གཏན་ལུས་ནི་གཙོར་བྱེད
310a5 དང་།། གནས་དེ་ལུས་ཀྱི་ཕྱག་རྒྱ་ཀུན།། མཚན་མར་མངོན་པར་ཞེན་ལས་བྱུང་།། མཚན་མེད་སེམས་ལས་བྱ་བཙལ་མེད།། སྨིག་རྒྱུ་བཞིན་དུ་ལུས་རེད་ན།། གནས་དང་ཕྱག་རྒྱར་དམིགས་པ་མེད།། བྱེད་སྤྱོད་ཆེད་དུ
310a6 སྟོན་བྱེད་ཅིང་། བྱ་མེད་བྱ་བའི་དམིགས་པའང་མེད།། དེ་ཉིད་མ་སྐྱེས་གཞི་མེད་པས།། གནས་བདེར་ལུས་བཅོས་ཁ་ན་མེད།། ཞེན་པར་འཆོས་ལམ་སྤྱོད་བྱེད་པ།། དེ་ཉིད་གཟུང་འཛིན་རྣམ་རྟོག་སྟེ།། བསམ་གཏན
iiif viewer powered by OpenSeadragon
