| e-texts navigator |
| Wylie |
30b1 ངག་ལྟེང་ཀ་བཞིན་གནས་ན།། སེམས་ཀྱང་ལྟེང་ཆུ་བཞིན་དུ་གནས།། གཟུགས་ལ་སོགས་པའི་དངོས་པོ་རྣམས།། རང་བཞིན་གྱིས་ནི་སྟོང་པ་སྟེ།། དངོས་པོའི་མཐའ་ནི་མེད་ཤེས་ན།། གང་ཡང་རང་བཞིན་མེད
30b2 བརྟགས་ན།། ཐམས་ཅད་ཆོས་ཉིད་ཕྱག་རྒྱ་ཡི།། བལྟ་བའི་རྒྱས་ནི་བཏབ་བྱས་ལ།། དེ་ནས་བཞི་ཡི་སྙིང་པོ་བསྒོམ།། སྤྱོད་པས་གང་ཡང་ཐོགས་མེད་ཅིང་།། ཏིང་ངེ་འཛིན་དུ་མཉམ་བཞག་ན།། མཆོག་གི་དངོས
30b3 གྲུབ་ཐོབ་པར་འགྱུར།། སེམས་ལ་དམིགས་པར་བདག་མེད་པར།། སལ་ལེ་སང་ངེ་བསམ་བྱ་བ།། རང་བཞིན་གྱིས་ནི་འོད་གསལ་ཏེ།། སྟོང་པ་ཉིད་ཀྱི་བདག་ཉིད་དོ།། འཇིག་རྟེན་པ་ཡི་ལམ་དུ་ནི།། རྗེས་སུ་དཔོག།
30b4 པའི་ཤེས་པ་སྟེ།། ཤེས་པ་གསུམ་པོ་གྱུར་པ་ནི།། བསམ་མེད་དྲན་མེད་སྒྱུ་མའང་མེད།། ཏིང་འཛིན་ཚུལ་ཁྲིམས་ཤེས་རབ་པོ།། དེ་ཉིད་མྱོས་པ་སྤྱོད་པའི་ས།། ས་ཡི་རིམ་པ་ཐ་དད་དེ།། ས་རྣམས་ཡོངས་སུ་བཀོད་པ
30b5 ཡང་།། སྟོང་ཉིད་ཡེ་ཤེས་བསྐྱེད་པ་སྟེ།། ཏིང་ངེ་འཛིན་གྱི་རིམ་པ་ཡང་།། ཏིང་ངེ་འཛིན་གྱི་ཁྱད་པར་ལས།། ས་ན་སར་འཕར་མངོན་བྱང་ཆུབ།། དེ་དང་དེ་ཡི་རིམ་པ་ཡིས།། ཀུན་ཏུ་བརྟགས་པའི་མ་རིག་དང་།། ལྷན
30b6 ཅིག་སྐྱེས་པའི་མ་རིག་པ།། སྒྲིབ་པ་གཉིས་ནི་ཞེས་བྱ་སྟེ།། བྱང་ནས་ཚོགས་གཉིས་རྫོགས་པ་ཡི།། སྐུ་ལྔ་ཡེ་ཤེས་རྣམ་ལྡན་པ།། ད་ལྟ་ཉིད་དུ་ཐོབ་པར་འགྱུར།། ཡོན་ཏན་རྣམ་པར་འཕེལ་བ་ཡིན།། དེ་བཞིན་གཤེགས
iiif viewer powered by OpenSeadragon
