| e-texts navigator |
| Wylie |
309a1 ཞེས་མིང་དུ་བརྗོད་པར་ཟད།། གཉིས་སུ་ལྟ་བ་མ་སྐྱེས་ཕྱིར།། གཉིས་ཀྱིས་འདུ་ཤེས་ཅི་བྱུང་ཡང་།། རང་བྱུང་ཞི་བ་མ་བཀག་ཆོས།། ཡེ་ནས་མ་བཅོས་དོན་གྱིས་གསལ།། མ་སྐྱེས་རྣམ་དག་བྱང་ཆུབ
309a2 སེམས།། མི་གནས་ཡེ་ཤེས་ཐུགས་དང་མཉམ།། རིག་དང་མ་རིག་ཁྱད་པར་ལས།། འཁོར་འདས་རྟེན་དང་འབྲེལ་བར་སྣང་།། རྣམ་རྟོག་མེད་ཕྱིར་ཞི་བ་མེད།། འཛིན་པར་མ་ཡིན་སྤྲོས་བྲལ་མིན།། དྲང་བའི
309a3 དོན་བསྟན་མ་གཏོགས་པར།། དོན་ལ་ཚིག་གིས་བརྗོད་དུ་མེད།། སྣང་ཡང་མེད་པའི་རང་བཞིན་ལ།། ཤེས་བློ་ཡོད་པའི་སེམས་མི་འབྱུང་།། མཉམ་ཉིད་སྟོང་པའི་དོན་འདི་ལ།། དོན་ལྡན་སྟོང་པའི་སྒྲོ་མི
309a4 འདོགས།། མ་བཅོས་རང་བཞིན་ཞི་བ་ཡི།། མཚན་མའི་རྟོག་བྲལ་ཤེས་ལྡན་པས།། མེད་དོ་ཙམ་དུའང་མི་དམིགས་ན།། བྱུང་ཚོར་འཛིན་པར་ག་ལ་འགྱུར།། ཐམས་ཅད་མི་གནས་བྱང་ཆུབ་པས།། བཙལ་ནས
309a5 གྲུབ་པ་མ་ཡིན་ཡང་།། སྒྱུ་མ་སངས་ནས་འཁྲུལ་བྲལ་བཞིན།། སྤྲོས་བྲལ་ཡེ་ཤེས་སྙིང་པོར་གནས།། འཁོར་བར་རྟོགས་པ་དུག་ཡིན་ཏེ།། འཁོར་བའི་སྡུག་བསྔལ་མི་ཤེས་ན།། དུག་འཐུངས་བདེ་བ་ག་ལས
309a6 འོང་།། སྦྱར་ལེགས་དུག་ཉིད་སྨན་དུ་འགྱུར།། འཁོར་བའི་ལས་རྣམས་དེ་ལྟར་སྣང་།། འཁྲུལ་སྣང་དུག་གཟེར་བཟོད་དཀའ་ལྟར།། མ་རིག་འཁོར་བའི་སྡུག་བསྔལ་སྣང་།། རྨི་ལམ་སྒྱུ་འཕྲུལ་མི་ཟད་པས།། ཤིན་ཏུ
iiif viewer powered by OpenSeadragon
