| e-texts navigator |
| Wylie |
308b1 མཁའ་ལ་ཚིག་ཙམ་དུ།། ངང་དུ་བརྗོད་པས་རྗོད་བྱེད་ཀྱི།། བརྗོད་པའི་ཐ་སྙད་དང་བྲལ་བས།། ཇི་ལྟར་འཁྲིགས་ཀྱི་སྨིག་རྒྱུ་དག། སྣང་བ་ཉིད་ན་མེད་པ་ལྟར།། ཆོས་སོ་ཅོག་གི་རང་བཞིན་གསལ།། གསལ་བ་ཉིད
308b2 ན་དེ་མི་དམིགས།། ཐབས་ཆེན་གཏིང་ཟབ་ཤེས་རབ་ལམ།། སྤྲོས་བྲལ་མཚན་མའི་འཕྲང་ལས་འདས།། གཏོས་ཆེས་ཡངས་པས་ལམ་གཉིས་བྲལ།། དབུས་མཐའ་མི་དམིགས་མཉམ་པའི་ལམ།། གཅིག་ཏུ་མཉམ
308b3 པར་ཆུད་ནས་ནི།། ཡུལ་མེད་ཚོལ་བའི་སེམས་བྲལ་དེ།། བླང་དོར་གཉིས་ཀྱི་མཐའ་སྤངས་ནས། གནས་པ་མེད་པའི་ཚུལ་གྱིས་གནས།། ཆོས་ཉིད་དབྱིངས་སུ་རོ་གཅིག་ཕྱིར།། ཤེས་དང་ཤེས་བྱ་གཉིས་མེད་དེ། ཡེ
308b4 ནས་ཤེས་ཉིད་ཆོས་ཤེས་ན།། ཆོས་ཉིད་གཞན་ནས་བཙལ་ཅི་དགོས།། དཔེར་ན་སྒྱུ་མའི་བདེ་སྡུག་ཀྱང་། བསལ་ནས་གཉི་ག་མི་དམིགས་ལྟར།། འཁོར་བ་འགྱུར་བའི་བདེ་སྡུག་ཀྱང་།། མཉམ་པར་རང་བཞིན་དོན
308b5 གྱིས་མཉམ།། ཇི་ལྟར་དུས་རྣམས་ཐམས་ཅད་དག། མཉམ་པ་ཉིད་དུ་རྟོགས་ནས་ནི།། སྒྲོས་ཚིག་རྗེས་སུ་མ་འབྲངས་ན།། མཉམ་འགྱུར་དུས་རྣམས་ག་ལ་དམིགས།། མཁའ་ལ་ངང་གིས་གཟུགས་མེད
308b6 ཕྱིར།། དམིགས་སུ་ཟིན་པར་མི་འགྱུར་བཞིན།། སེམས་ཀྱིས་མ་སྐྱེས་དོན་མི་དཔོགས།། སྐྱོན་དང་ཡོན་ཏན་གཉིས་འབྱེད་པ།། རྟོགས་ནས་གཉིས་ཀྱི་དོན་སྤངས་ཏེ།། རང་བཞིན་མཉམ་པར་དོན་བཞག་ན།། བསྒོམ
iiif viewer powered by OpenSeadragon
