| e-texts navigator |
| Wylie |
307b1 པའི་ནམ་མཁའ་དེ།། ཐེན་ཚེར་ནམ་མཁར་ཤོང་མི་འགྱུར།། དེས་པས་གཞན་ལ་བསྟན་པ་མིན།། བསྟན་ན་བྱིས་པ་ག་ཆད་འགྱུར།། ཆོས་ཉིད་ནམ་མཁའ་ལྟ་བུའི་དངོས།། གསལ་བར་འོད་སྟོང་ཉི་མས
307b2 འགྲུབ།། བྱིན་བརླབས་འོད་ཀྱི་ཟེར་ཕྲེང་ཙམ།། སྒྱུ་མ་ལྟར་སྣང་མཚན་མར་ཐོབ།། མི་གཡོ་མཚན་མེད་རང་བཞིན་དངོས།། སྐྱེ་མེད་སེམས་ཀྱིས་མ་མཐོང་བ།། བྱིས་པ་འདྲིད་པའི་རྩེད་མོར་སྣང་།། དངོས་གྲུབ་ཆེན
307b3 པོའི་སེམས་ཉིད་དེ།། ཡིད་བཞིན་འབྱུང་བར་རིན་པོ་ཆེ།། ཇི་ལྟར་དམིགས་ཤིང་བསྒྱུར་བར་འགྱུར།། གྲུབ་པ་དོན་ཆེན་ཐམས་ཅད་རྫོགས།། སེམས་ཀྱིས་སེམས་ཀྱི་ཚུལ་མཐོང་ན།། དངོས་གྲུབ་ཅེས་དེ་དག་ལས
307b4 འོང་།། གང་གིས་སྩོལ་ཏེ་སུ་ཡིས་བླང་།། སྩལ་དང་སྩོལ་བར་བྱེད་མི་དམིགས།། དཔེར་ན་ཆུ་དང་མེ་ལོང་དང་།། མཁའ་དང་རལ་གྲི་ཤེལ་ལ་སོགས།། གསལ་བར་བྱེད་པའི་རང་བཞིན་ལ།། རྙོག་མེད་ལ་སོགས
307b5 བལྟས་གསལ་བ།། ཆུ་ལ་སོགས་པའི་རང་བཞིན་ཡིན།། དེ་ལ་ངོ་མཚར་ཆེ་མི་འབྱུང་།། སེམས་ཀྱི་ཆུ་གསལ་ནམ་མཁའ་ལ།། ཉོན་མོངས་སྤྲིན་གྱིས་རྙོག་མེད་ན།། དངོས་གྲུབ་ཉི་ཟླ་སྐར་ཚོགས་བཀྲམ།། སྒྲིབ་མེད
307b6 བྱིན་བརླབས་ངང་གིས་འཚར།། ཀུན་གཞི་ནམ་མཁའི་སྙིང་པོ་དེ། ཉོན་མོངས་སྤྲིན་གྱིས་གཏིང་སྤུངས་པ།། ཤེས་རབ་རླུང་གིས་མ་གཏོར་བར།། ག་ཞ་མཁན་གྱི་སྤྲོ་འདྲི་ཡིས།། སྒྲིབ་བསལ་ཆོས་ཉིད་གསལ་འདོད
iiif viewer powered by OpenSeadragon
