| e-texts navigator |
| Wylie |
307a1 འཛིན་སྒོམ་པའི་མཆོག། ཅི་ཕྱིར་ཆོས་ཀྱི་དབྱིངས་ཉིད་ནི།། ནམ་མཁའ་ལྟ་བུར་འདུས་མ་བྱས།། བསམ་དུ་མེད་པས་ནམ་མཁའ་འདྲ།། བརྗོད་དུ་མེད་པས་གཟུགས་དང་བྲལ།། ཀུན་གཞི་ཀུན་ཏུ་ནམ
307a2 མཁའ་ལ།། ཡིད་ནི་མཁའ་ལ་ཉི་ཤར་འདྲ།། རྣམ་ཤེས་ཉོན་མོངས་སྤྲིན་གྱིས་ཁེབས།། འདུ་བྱ་རླུང་གིས་ཀུན་བསྐྱོད་དེ། གསལ་དང་བྱུང་འཇུག་སངས་དང་འགག། རྣམ་ཤེས་མཚན་མའི་རྟོག་པ་ཡིས།། ཀུན་གཞི
307a3 ནམ་མཁའ་མཐོང་མི་སྟེར།། ཀུན་གཞི་མཐོང་ཉིད་ཆོས་སྐུ་སྟེ།། འདི་དོན་ནམ་མཁའ་མ་བརྗེད་པ།། ཏིང་འཛིན་ཆེན་པོ་རྒྱུན་མི་འཆད།། གང་ཞིག་འདི་དོན་ཡིད་འཆང་བ།། གཟུགས་ཀྱི་དངོས་པོ་ཅི་སྣང
307a4 ཡང་།། སེམས་ནི་ཡེ་ནས་མྱ་ངན་འདས།། བདེ་ཆེན་སངས་རྒྱས་ཐམས་ཅད་ལ།། དགོངས་པ་འདི་ལས་ཡོང་མི་མངའ།། སྣང་བ་མེད་པའི་ནམ་མཁའ་འདི།། ཏིང་འཛིན་ཆེན་པོར་གནས་བཞིན་དུ།། འདི་ལས་གླགས
307a5 ཏེ་ཅི་ཞིག་ཚོལ།། རྒྱལ་བས་བཙལ་ཀྱང་ཡོང་མི་རྙེད།། འདིས་ལ་གཞན་དུ་གང་ཚོལ་བ།། བཙལ་བ་ཉིད་ན་ཚེ་ཆད་འགྱུར།། གཞན་ནམ་དམན་པའི་སྒོ་རྣམས་ནི།། ཏིང་འཛིན་མེད་པའི་ཆོས་ཉིད་ལ།། འཛིན་པའི
307a6 ཏིང་འཛིན་བཅུག་པས་ནོར།། དེ་དག་ལ་ནི་གང་སྤྱོད་རྣམས།། ཐེན་ཚེར་མིག་ནི་ནམ་མཁའ་ལ།། ཕྲ་རབ་ཐེན་ཐག་འཛུད་པ་ལྟར།། བྱིས་པ་ལས་གང་བྱེད་པ་དེ།། ཤེད་ཅན་དག་གིས་བྱར་མི་རུང་།། ཤེད་ཅན་སྤྱོད
iiif viewer powered by OpenSeadragon
