| e-texts navigator |
| Wylie |
306b1 པ་ཐམས་ཅད་འཁོར་བར་སྤྱོད།། རྒྱུ་འབྲས་མི་སླུ་བདེན་དོན་སྤྱོད།། མི་དམིགས་པ་ལ་ནམ་མཁར་སྤྱོད།། དེ་ལྟར་སྤྱོད་ལ་ཀུན་སྤྱོད་ཀྱང་།། དམ་པའི་དོན་དེ་སྤྱོད་མཆོག་ཉིད།། དམ་པར་གྱུར་པ་ཐམས་ཅད་ལ།། དམ
306b2 པའི་སྤྱོད་པ་དེ་ལས་མེད།། སྐྱེས་བུ་མཆོག་གིས་དེ་སྐད་བཤད།། ཐེ་ཚོམ་མེད་པར་ཤེས་པར་གྱིས།། མ་བཅོས་བྱང་ཆུབ་དེ་བཞིན་ཉིད།། བསྒོམ་དུ་མེད་པའི་ཆོས་ཉིད་ལ།། བསྒོམ་པ་དམིགས་སུ་མེད་པ་སྟེ།། ཏིང
306b3 འཛིན་ཞེས་ནི་གདགས་སུ་མེད།། བསྒོམས་ཀྱང་རྙེད་པ་མ་ཡིན་ལ།། དེ་བཞིན་མ་བསྒོམས་སྟོར་བ་མེད།། བསྒོམ་ཆོས་སྣ་ཚོགས་ཅིར་སྣང་ཡང་།། བསྒོམས་ནས་དེ་ཡི་ངག་མི་གནས།། དེ་བས་བྱིས་པའི་སྤྱོད་ཡུལ
306b4 ཡིན།། དཔེར་ན་བྱིས་པའི་རང་བཞིན་གྱིས།། ས་ལ་སོགས་པ་གཟུགས་སྣ་ཚོགས།། མཛེས་པར་བྱས་ནས་སྐད་ཅིག་མཐོང་།། མཐོང་བ་ཉིད་ན་མ་གྲུབ་སྟེ།། སྐད་ཅིག་ཁོ་ནས་ཞིག་གྱུར་ནས།། ས་ལ་སོགས་པའི
306b5 རྡུལ་དུ་སྣང་།། དེ་བཞིན་རྣལ་འབྱོར་བྱིས་པ་ཡིས།། གཟུགས་ལ་སོགས་པ་སྣ་ཚོགས་བསྒོམ།། སེམས་ཀྱི་བྱེ་བྲག་སྐད་ཅིག་ལ།། ཡིད་ཀྱི་རྒྱུ་བ་སྣ་ཚོགས་འབྱུང་།། བྱུང་བ་བཞིན་དུ་དེ་མ་གྲུབ།། སེམས་ཀྱི་སྐད་ཅིག
306b6 དྲན་པ་ལ།། ཡིད་ཀྱི་དམིགས་པ་རྒྱུན་ཆད་ནས།། བྱུང་ཚོར་ཆད་པའི་མཐའ་སྤངས་ཏེ།། ཆོས་རྣམས་ནམ་མཁའ་ལྟ་བུར་ནི།། བརྗོད་མེད་རྒྱུན་མི་འཆད་པར་དམིགས།། དེ་དོན་ཕྱིན་ཅི་མ་ལོག་པར།། བརྗེད་མེད་ཏིང
iiif viewer powered by OpenSeadragon
