| e-texts navigator |
| Wylie |
305a1 ཉི་མ་སྐར་ཚོགས་དག། སྣང་ཡང་ནམ་མཁའ་བཞིན་དུ་གནས།། དེ་བཞིན་སེམས་ཀྱི་ནམ་མཁའ་ལས།། མཚན་མའི་ཆོ་འཕྲུལ་ཅི་བྱུང་ཡང་།། ཆོས་ཉིད་ནམ་མཁའ་བཞི་གནས་པར།། རྣལ་འབྱོར་ཅན
305a2 གྱིས་བལྟ་བར་བྱ།། དེ་ལྟ་བུ་ཡི་སེམས་ཉིད་ནི།། རྟོགས་དང་མ་རྟོགས་རང་བཞིན་ལ།། ལྟ་བའི་ཁྱད་པར་སོ་སོར་བལྟ།། རྟོག་པ་ཅན་གྱི་ངོ་ག་ལ།། རྟོག་པ་ཁྲུལ་བའི་ངོ་བོར་སྣང་།། ཀུན་ཏུ་ཉེར་འཇོག་ལམ་ཚོར
305a3 ལ།། ཀུན་ཏུ་རྡུལ་གྱི་ཕུང་པོ་སྣང་།། ཚོགས་སྤྱོད་སྙིང་རྗེ་ཉེར་འཇོག་ལ།། ཐམས་ཅད་སྒྱུ་མའི་རང་བཞིན་ལྟར།། དེ་ཉིད་མཉམ་པར་ཤེས་གནས་ན།། ནམ་མཁའི་རང་བཞིན་མཐོང་བར་གནས།། ཡེ་ཤེས་རང་སྣང
305a4 ནམ་མཁའ་ལ།། ནམ་མཁའ་ཉིད་དུ་སྣང་བར་ཟད།། བརྗོད་བྲལ་མཐོང་མེད་དམིགས་དང་བྲལ།། མཐོང་བ་མེད་པའི་དོན་འདི་ནི།། སྔོན་གྱི་རྒྱལ་བ་རྣམས་ཀྱིས་བཤད།། བདེ་གཤེགས་སྙིང་པོ་བྱང་ཆུབ
305a5 ལ།། དགོངས་པ་འདི་ལས་གང་མི་མངའ།། ལྟ་བ་དེ་དང་ལྡན་བཞིན་དུ།། དམ་ཚིག་ནམ་མཁའ་ལྟ་བུ་ལ།། བསྲུང་དང་མི་བསྲུང་ཕྱོགས་དང་བྲལ།། འདིའོ་ཞེས་ནི་བསྲུང་དུ་མེད།། བསྲུང་བའི་རྣམ་གྲངས་ཇི་སྙེད
305a6 ཅིག། དུས་གསུམ་རྒྱལ་བས་གསུངས་མོད་ཀྱང་།། བསྲུང་བའི་མདོ་ནི་གཅིག་ཏུ་འདུས།། ནམ་མཁའ་ལྟ་བུའི་རྣལ་འབྱོར་པས།། ནམ་མཁའ་འདྲ་བའི་དམ་ཚིག་བསྲུང་།། དེ་ཡང་བསྲུང་དུ་མེད་ན་བདེ།། གཞན
iiif viewer powered by OpenSeadragon
