| e-texts navigator |
| Wylie |
304b1 ཆོ་འཕྲུལ་བས།། དེ་ཕྱིར་འཁོར་དང་མྱ་ངན་འདས།། གཉིས་སུ་སྣང་བ་མ་ཡིན་ཏེ།། སེམས་ཀྱི་རང་བཞིན་བཟང་ངན་ལས།། གཉིས་ཀྱི་འདུ་ཤེས་ཕྱེ་སྟེ་བསྟན།། སེམས་ལས་ཡང་དག་ཡེ་ཤེས་འབྱུང་།། དེ་བཞིན
304b2 བདེ་དང་སྡུག་བསྔལ་འབྱུང་།། ཆོས་དང་སངས་རྒྱས་ཡེ་ཤེས་འབྱུང་།། དགེ་འདུན་ཡང་ནི་དེ་བཞིན་ནོ།། འདི་ལས་ཕ་རོལ་ཕྱིན་ཚོགས་དང་།། བྱང་ཆུབ་དང་ནི་པདྨོ་འབྱུང་།། འདི་ལས་རྡོ་རྗེ་སེམས་དཔའ་དང་། དྲི
304b3 མེད་རིན་ཆེན་དཔའ་སྦྱིན་འབྱུང་།། དེ་བཞིན་རྡོ་རྗེ་དཔག་མེད་དང་།། སྣ་ཚོགས་རྒྱལ་བ་འདི་ལས་འབྱུང་།། འདི་ལས་ཕྱག་རྒྱ་སྣ་ཚོགས་དང་།། རིག་པའི་སྙིང་པོ་ཐམས་ཅད་འབྱུང་།། འདི་ལས་འདོད་ཆགས་ཞེ
304b4 སྡང་དང་།། སྡུག་བསྔལ་ང་རྒྱལ་ཕྲག་དོག་འབྱུང་།། གཏི་མུག་དག་ཀྱང་དེ་བཞིན་ཏེ།། འདི་ལས་ཁམས་གསུམ་ཐམས་ཅད་དང་།། སྐྱེས་པ་བུད་མེད་མ་ནིང་འབྱུང་།། འདི་ལས་འདོད་དང་འདོད་གཟིར་དང་།། ཉོན
304b5 མོངས་གདུང་འདོད་ཆགས་པ་འབྱུང་།། རི་དང་སྐྱེ་བོ་དེ་བཞིན་དུ།། ནམ་མཁའ་དང་ནི་རླུང་དག་དང་།། སྲེག་པའི་མེ་ནི་རབ་ཏུ་འབྱུང་།། འདི་ལས་ས་དང་ཆུ་དང་ནི།། རྡོ་དང་ས་བོན་མྱུ་གུ་འབྱུང་།། དེ་བཞིན་གློག
304b6 དང་སྐར་མ་དང་།། ཉི་མ་ཟླ་བ་སྤྲིན་རྣམས་འབྱུང་།། དེ་བཞིན་སྤྱོད་དང་མི་སྤྱོད་ཀུན།། ཐམས་ཅད་ཐམས་ཅད་འབྱུང་བར་འགྱུར།། དཔེར་ན་ནམ་མཁའི་རང་བཞིན་ལས།། སྤྲིན་དང་ན་བུན་ཁུག་རླངས་དང་།། ཟླ་བ
iiif viewer powered by OpenSeadragon
