| e-texts navigator |
| Wylie |
304a1 ཀྱང་།། ནམ་མཁའ་དེ་ལ་འགགས་མི་འགྱུར།། དེ་བཞིན་མི་རྟོགས་རྗོད་བྱེད་པ།། བརྗོད་པ་དེ་ཉིད་རྣམ་རྟོག་སྟེ།། རྣམ་རྟོག་དེ་ཡི་མིང་བརྗོད་ཀྱང་།། མི་རྟོག་དེ་ལ་འགག་མི་འགྱུར།། དེ་འདྲར་སེམས
304a2 ཀྱང་དེ་ལྟར་བལྟ།། སེམས་ཉིད་གཞན་དུ་མ་གྲུབ་སྟེ།། དེ་བཞིན་ཆོས་ཀྱང་གྲུབ་མ་ཡིན།། སེམས་དང་ཆོས་ཉིད་གཉིས་མེད་དེ།། སེམས་ཉིད་གང་ཡིན་ཆོས་ཉིད་དེ།། ཆོས་ཉིད་ཀྱང་ནི་དེ་བཞིན་ནོ།། ཆོས་སེམས
304a3 གཉིས་མེད་ལྡན་གྱུར་པ།། བླ་མེད་བྱང་ཆུབ་ཆེན་པོར་བཤད།། སེམས་ནི་ནམ་མཁའ་ལྟ་བུར་སྟེ། རྣམ་པར་རྟོག་བྲལ་གང་མི་རྟོགས།། དེ་བཞིན་ས་གཞི་ཆེན་པོ་ལྟར།། བླ་མེད་བྱང་ཆུབ་མྱུ་གུ་སྐྱེད།། མེ་ཡི་རང་བཞིན
304a4 ལྟར་སྣང་བས།། རྨོངས་པའི་བུད་ཤིང་སྲེག་པར་བྱེད།། རླུང་གི་རང་བཞིན་ཡིན་པས་ན།། མི་ཤེས་པ་ཡི་རྡུལ་ཀུན་སེལ།། ཆུ་ཡི་རང་བཞིན་ཡིན་པས་ན།། ཉོན་མོངས་གདུང་བ་ཀུན་སིམ་བྱེད།། སྨན་གྱི་རང་བཞིན
304a5 ཡིན་པས་ན།། འཁོར་བའི་གཅོང་རྙིང་རྣམ་པར་འབྱིན།། དེ་ལྟར་རྩི་ཡི་རང་བཞིན་པས།། འཚོ་བ་རྣམས་ཀྱི་གསོས་སུ་འབབ།། དེ་བཞིན་རྣོ་དཔལ་རང་བཞིན་པས།། སྡུག་བསྔལ་རྒྱ་མཚོ་རྣམ་པར་གཅོད།། ཉི་མ་ལྟ
304a6 བུར་སྣང་བ་ཡིས།། མུན་ཁང་སྣང་སྟོན་སེལ་བར་བྱེད།། རི་རབ་ལྟ་བུའི་རང་བཞིན་པས།། བརྟན་པོ་མི་འགྱུར་གཡོ་བ་མེད།། རྒྱ་མཚོ་ལྟ་བུའི་རང་བཞིན་པས།། མི་གཡོ་བ་ལ་བྱིན་བརླབས་ཆེ།། སེམས་ནི་འདི་ལྟར
iiif viewer powered by OpenSeadragon
