| e-texts navigator |
| Wylie |
303b1 དཔག་དཀའ།། རྣལ་འབྱོར་དམིགས་ལྡན་བློ་ཆུང་ཞིང་།། གང་ཞིག་རྩལ་ཞན་དེ་རྟོག་པ།། གཡོར་མོའི་ཚུལ་དུ་བདག་བརྟག་པ།། བརྟགས་ཀྱང་རྟོགས་པར་མི་འགྱུར་རོ།། དཔེར་ན་ཉི་མའི་སྙིང་པོ་ལ།། མིག་གི
303b2 དབང་པོས་རབ་བརྟགས་ན།། དེ་བརྟགས་དོན་དེ་མི་རྟོགས་ཀྱི།། འོད་ཀྱི་ཟེར་གྱིས་མི་རྫི་འགྱུར།། དེ་འདྲར་བྱིས་པའི་རང་བཞིན་གྱིས།། ཟབ་མོའི་དོན་ལ་ཅིར་བརྟགས་ཀྱང་།། ཡང་དག་དོན་དེ་མི་མཐོང་གི། བློ
303b3 ཞན་བྱིས་པ་ག་ཆད་བརྒྱ་ལ།། བརྟག་ཏུ་མེད་པའི་ཆོས་རྣམས་ནི།། རྟོག་པ་ཅན་གྱི་མི་རྟོགས་ཏེ།། གང་ཞིག་དེ་དོན་མི་རྟོགས་ཕྱིར།། གཡང་ས་ལྟུང་བ་ཅི་ཆ་ཡོད།། གདོད་ནས་མ་ཐོས་ཤིན་ཏུ་དགེ། བསམ་དང་བྲལ
303b4 བས་དེ་བཞིན་གཞག། མི་བརྟགས་བཞག་པའི་ཆོས་འདི་གང་།། བྱིས་པ་རྣམས་ལ་ངས་མ་བསྟན།། བསྟན་ཀྱང་གོ་བར་མི་འགྱུར་ཏེ།། བསྟན་དུ་མེད་ཅིང་གོ་བར་དཀའ།། ཚིག་གིས་བརྗོད་པ་ཀུན་དང་བྲལ།། འདི
303b5 ཞེས་བསྟན་དུ་ག་ལ་ཡོད།། མེད་པས་བསྟན་པའི་དམིགས་མི་ཕྱེད།། མི་དམིགས་ཆོས་ལ་བློ་སྦྱངས་ཤིང་།། ཡིད་ཀྱི་མེ་ལོང་གསལ་བྱས་ན།། ནམ་མཁའ་དག་ལ་རབ་བརྟགས་ན།། སྣང་བ་མེད་པའི་རང་བཞིན
303b6 ནི།། ནམ་མཁའ་ལྟ་བུར་དེ་ཉིད་འགྱུར།། ཆོ་ཉིད་ནམ་མཁའ་ལྟ་བུ་སྟེ།། ནམ་མཁའ་ལ་ཡང་མཚན་ཉིད་མེད།། ནམ་མཁའ་གང་མིང་རྗོད་བྱེད་པ།། བརྗོད་པ་དེ་ཉིད་དངོས་པོ་སྟེ།། དངོས་པོ་དེ་ཡི་མིང་བརྗོད
iiif viewer powered by OpenSeadragon
