| e-texts navigator |
| Wylie |
303a1 ལྷ།། ཇི་ལྟར་མགལ་མེའི་རང་བཞིན་ནི།། གང་དག་ལག་ན་མགལ་མེད་ཐོགས།། བསྐོར་ན་འཁོར་ལོའི་རྒྱུན་ལྟར་སྣང་།། དེ་ལ་འཁོར་ལོའི་རང་བཞིན་མེད།། དེ་བཞིན་སྔགས་ཀྱི་ཆོ་འཕྲུལ་ཡང་།། མི
303a2 མཉམ་མཉམ་པའི་རང་བཞིན་ལས།། ཇི་ལྟར་དམིགས་པའི་དོན་འབྱུང་སྟེ།། ཆོ་འཕྲུལ་སྣ་ཚོགས་རྒྱུན་མི་འཆད།། དེ་ཕྱིར་མཚན་མའི་ཆོས་ཐམས་ཅད།། མཚན་མེད་ངང་དུ་གཅིག་པས་ན།། རྟོག་པའི་བག་ཆགས་ཅི།
303a3 འབྱུང་ཡང་།། ཆོས་ཀུན་དབྱིངས་སུ་གཅིག་པའི་ཕྱིར།། རྟོག་འཇུག་སྤྲོས་པའི་མཚན་མ་ཀུན།། མ་བྱུང་མ་སྐྱེས་དབྱིངས་ཉིད་ལ།། གཡོས་པ་མེད་ཅིང་ཆོ་འཕྲུལ་འབྱུང་།། ཡོན་ཏན་སྣ་ཚོགས་ཆེར་འབྱུང་བའི།། གཏེར
303a4 གྱི་དབྱིག་འདི་གང་མཐོང་བ།། སངས་རྒྱས་ཀུན་གྱི་ཡོན་ཏན་ཡང་།། སྐད་ཅིག་གཅིག་ལ་དེ་ལ་འདུས།། དེ་བས་ཡིད་བཞིན་རིན་ཆེན་འདི།། ལྡོག་པ་མེད་པས་དང་དུ་བླང་།། དོན་དམ་ཡང་དག་གཏེར་གྱི
303a5 མཆོད།། རྣལ་འབྱོར་ཀུན་གྱི་ནོར་མཆོག་སྟེ།། གང་རྟོགས་དེ་འཐོབ་གཅིག་པུ་ཉིད།། འབྲེལ་མེད་གཞན་གྱིས་ཐོབ་པར་དཀའ།། བདག་མེད་གཉིས་བྲལ་བདེ་ཆེན་ཀློང་།། སངས་རྒྱས་ཀུན་གྱི་བདེ་བ་ཆེ།། ཡེ་ནས
303a6 ལྷུན་གྲུབ་འདུས་མ་བྱས།། ཐིག་ལེ་ཆོས་ཉིད་ཡེ་འབྱམ་པས། ཀུན་ཁྱབ་བདལ་བས་སྙིང་པོར་འདུས།། མི་དམིགས་སྤྲོས་བྲལ་བྱང་ཆུབ་སེམས།། ཟབ་མོར་སྣང་བའི་ངེས་དོན་འདི།། མཁའ་ལ་མདུད་འདྲར་གཏིང
iiif viewer powered by OpenSeadragon
