| e-texts navigator |
| Wylie |
302b1 པའི་གཞལ་མེད་ཁང་།། བྱུང་ཡང་དེ་ལ་གནས་མི་འགྱུར།། བྲག་ཅ་གྲགས་པའི་མཚན་མ་ནི།། དཔེར་ན་ངོས་ལ་སྒྲས་རྐྱེན་པས། ཅི་བཞིན་སྒྲ་ལྟར་བྲག་ཅ་འབྱུང་།། བྱུང་ཡང་སྒྲར་ཐོས་དམིགས་པ་མེད།། དེ་བཞིན
302b2 སྔགས་ཚིག་བཟླས་པའི་སྒྲ།། དཔེར་ན་མེད་ལས་ཡོད་བརྟགས་པའི།། མཚན་མ་ལ་བརྟེན་སྟོང་པའི་སྒྲ།། བརྗོད་པ་ཙམ་དུ་བསྟན་པར་ཟད།། ཇི་ལྟར་ཆུ་ཡི་ཟླ་བ་ནི།། སྒྲིབ་མེད་མཁའ་ལས་ཟླ་ཤར་བ། གཟུགས
302b3 བརྙན་དང་བའི་ཆུ་ནང་སྣང་།། སྣང་ཡང་གཟུང་བའི་རྟོག་མེད་པ།། དེ་བཞིན་གཟུགས་སྣང་ཕྱག་རྒྱ་ཡང་།། སེམས་ཀྱི་མཁའ་ལས་སྐུར་གསལ་བ།། ཕྱག་རྒྱ་རིག་འཛིན་ངོ་ལ་སྣང་།། དེ་ལྟར་སྣང་ཡང་འཛིན་རྟོག
302b4 བྲལ།། ཇི་ལྟར་ཆར་གྱི་རྒྱུན་བཞིན་དུ།། ཆུ་ལས་ཆུ་བུར་རྣམ་པར་འགྱུར།། དེ་ཡང་གཅིག་གི་རྣམ་པ་ལས།། མང་པོའི་རྣམ་གྲངས་དུ་མ་འབྱུང་།། སྡུད་ཅིང་ཕྱིར་ཡང་དུམ་བུར་འཆད།། དེ་བཞིན་རྣལ་འབྱོར་སྒྲུབ་པ
302b5 ཡི།། ཏིང་འཛིན་རྣམ་པ་མང་པོར་འདོད།། འཁྲུལ་པ་སྣང་བའི་རང་བཞིན་ནི།། སྤྲོས་བྲལ་དངོས་པོ་སྟོང་པ་ལས།། སྲོག་དང་ཤེད་ཅན་བྱེད་པ་པོ།། སེམས་ཅན་པ་ལ་སོགས་པར་སྣང་།། མིག་ནད་ངོ་ལ་རྫས་ལྟར
302b6 སྣང་།། འཁྲུལ་པ་ཁོ་ན་སྣང་བར་ཟད།། དེ་བཞིན་སྔགས་ཀྱི་ལྟ་བ་ཡང་།། ཆོ་འཕྲུལ་མང་པོ་ཅིར་འཕྲུལ་བ། སྣང་བ་མེད་པའི་རང་བཞིན་ལ།། འཁྲུལ་པ་སྣ་ཚོགས་སྣང་བར་ཟད།། རྣལ་འབྱོར་ཅན་གྱིས་དེ་ལྟར
iiif viewer powered by OpenSeadragon
