| e-texts navigator |
| Wylie |
302a1 ལས།། བྱིས་པ་གདུངས་པའི་རང་བཞིན་གྱིས།། ཆུ་ཡི་འདུ་ཤེས་ཅི་བསྐྱེད་ཀྱང་།། ཚིམ་པའི་རྒྱུད་ནི་ག་ལ་འགྱུར།། གསང་སྔགས་མིང་གི་ཁྱད་པར་ཡང་།། རང་བཞིན་མི་དམིགས་སྟོང་པ་ལ།། མཚན
302a2 མའི་ཐ་སྙད་མིང་དུ་བཏགས།། དེ་ཉིད་སྟོང་པས་མིང་མི་དམིགས།། དཔེར་ན་རྨི་ལམ་རང་བཞིན་ནི།། སྐྱེས་བུ་གཉིད་ཀྱི་དབང་གྱུར་ན།། ཐང་ཅིག་སྐད་ཅིག་ཡུད་ཙམ་དང་། ལོ་ལ་ལོགས་པ་དེ་བཞིན་དུ།། བདེ་དང
302a3 སྡུག་བསྔལ་དེ་བཞིན་མྱོང་།། སངས་ནས་ཅི་ཡང་མི་དམིགས་ལྟར།། དེ་བཞིན་སྔགས་ཀྱི་སྤྱོད་པ་དག། སྟོང་མ་ཉིད་ཀྱི་རང་བཞིན་ལ།། སྤྱོད་པའི་རྣམ་པ་ཅིར་སྣང་ཡང་།། བརྟགས་ན་དམིགས་པ་ཀུན་དང
302a4 བྲལ།། གཟུགས་བརྙན་སྣང་བའི་མཚན་ཉིད་ནི།། དཔེར་ན་གདོང་དང་མེ་ལོང་ལས།། བརྟེན་ནས་བཞིན་གྱི་གཟུགས་བྱུང་ཡང་།། རེག་པར་གྱུར་པ་ག་ལ་ཡོད།། དེ་བཞིན་སྔགས་ཀྱི་དངོས་གྲུབ་ཀྱང་།། སྒྲུབ་དང
302a5 ཏིང་འཛིན་ཡོ་བྱད་ལས།། བརྟེན་ནས་དངོས་གྲུབ་ཚུལ་བྱུང་ཡང་།། གསོལ་ཐོབ་དམིགས་པ་ལ་ག་ཡོད།། དྲི་ཟ་གནས་པའི་རང་བཞིན་ནི།། མཁའ་འམ་ཡིད་ཀྱི་མཁའ་ངོས་ལ།། དྲི་ཟའི་གཟུགས་ནི་གར་བྱུང
302a6 ཡང་།། གྲོང་ཁྱེར་དེ་ཡང་དེ་ནས་བྱུང་།། བྱུང་ནས་དེ་ཡང་མི་རྟག་ལྟར།། གསང་སྔགས་གྲུབ་པའི་གནས་དག་ཀྱང་།། ཆོས་སམ་ཡིད་ཀྱི་མཁའ་ངོས་ལ།། རྣལ་འབྱོར་གསང་བདག་གང་བསྐྱེད་པར།། དེ་ཉིད་གནས
iiif viewer powered by OpenSeadragon
