| e-texts navigator |
| Wylie |
301b1 བ་དེ་ཉིད་སྙིང་པོའི་དོན།། མཉམ་ཉིད་བྱང་ཆུབ་ཐེག་ཆེན་པོ།། གསལ་བར་བཀོད་དེ་ངེས་བརྗོད་ཀྱིས།། རྒྱ་ཆེན་འདུས་པའི་ཆོས་རྣམས་ཉོན།། ང་ནི་དུས་གསུམ་བཞུགས་པ་ཡི།། རྒྱལ་བ་ཀུན་གྱི་སྙིང་པོ་སྟེ། སྟོང
301b2 པར་སྦས་པའི་དོན་འདི་ལ།། དཔེས་མཚོན་ཚིག་གི་ལྡེ་མིག་གིས།། མཉམ་པ་ཉིད་རིག་པའི་སྒོ་དབྱེ་བྱས།། སྦས་པའི་དོན་འབྱིན་གསལ་བྱེད་པ།། སཱ་ལུ་ཕུབ་ཁྲོད་སྣང་མེ་བཞིན།། བསལ་བཏེག་སྣང་རྙེད་ས་ལེར
301b3 འདུག། ཟབ་མོར་སྤྱོད་པ་ལ་མོས་པས།། གང་ཞིག་དོན་ལ་འདྲིས་པ་ཡི།། གསང་སྔགས་སྤྱོད་པའི་རང་བཞིན་ནི།། མཐུན་པའི་དམིགས་བཅུ་དཔེར་བཞག་སྟེ།། རྣལ་འབྱོར་ཅན་གྱིས་ཤེས་པར་བྱ།། སྒྱུ་མ་སྨིག་རྒྱུ་རྨི
301b4 ལམ་དང་། གཟུགས་བརྙན་དྲི་ཟ་གྲོང་ཁྱེར་དང་།། བྲག་ཅ་ཆུ་ཟླ་མིག་ཡོར་དང་།། ཆུ་བུར་འཁྲུལ་དང་མགལ་མེར་སྣང་།། སྒྲུབ་དང་གསང་སྔགས་སྤྱོད་པ་དང་།། གྲུབ་པ་དང་ནི་གནས་དག་དང་།། བཟླས་པའི་སྒྲ་དང
301b5 ཕྱག་རྒྱར་རྟོག། ཏིང་འཛིན་ལྟ་བ་ཆོ་འཕྲུལ་བརྟག། ཇི་ལྟར་སྒྱུ་མའི་མཚན་ཉིད་ནི།། སྐྱེས་བུ་དག་གི་རྩོལ་བ་དང་།། སྨན་དང་སྔགས་ཀྱི་སྦྱོར་བ་ལས།། དབང་པོ་ཡིད་འཕྲོག་ཅིར་སྣང་ཡང་།། དེ་ལ་འགྲོ་འོང་ག་ལ
301b6 ཡོད།། དེ་ལྟར་སྒྲུབ་པའི་མཚན་ཉིད་ཀྱང་།། ཡིག་འབྲུ་རྫས་ཀྱི་སྦྱོར་བ་ལས།། གྲུབ་པར་སྣང་ཡང་རང་བཞིན་མེད།། ཇི་ལྟར་སྨིག་རྒྱུའི་མཚན་ཉིད་ནི།། ཞིང་པའི་དུས་ཀྱི་ཟླ་བ་ལ།། དྲོད་དང་ཉི་མའི་སྦྱོར་བ
iiif viewer powered by OpenSeadragon
