| e-texts navigator |
| Wylie |
301a1 ཀྱིས་སྤྱོད་པས་ན།། བཀའ་ཡི་འཁོར་ལོ་རབ་བསྐོར་བ།། སྒྲུབ་པའི་ལམ་མཆོག་དམ་པ་དག། ཚིག་གིས་མཚོན་དེ་གསལ་བར་མཛོད།། ཨ་ལ་ལ་ཧོ་ཞེས་གསོལ་བ་བཏབ་བོ།། དེ་ནས་དམ་པ་རྡོ་རྗེས
301a2 རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་ཚིག་ཏུ་མཚོན་ཏེ་སྨྲས་པ། ཨོཾ་ཨཱཾཿཧཱུཾ། ཨ་ལ་ལ་ཧོ།། རྒྱལ་བའི་སྲས་བོས་ཅང་མི་གསུང་།། མི་གསུང་བས་ནི་རྒྱ་ཆེར་བཤད།། བཤད་དུ་མེད་པའི་ཆོས་འདི་ནི།། རྒྱལ་བ་རྣམས
301a3 ཀྱིས་མ་བཤད་དེ།། དེ་ལྟར་སྟོན་པའི་རྒྱལ་མཆོག་ཀྱང་།། རྣམ་པར་བརྗོད་པར་མི་བཞེད་དེ།། རྒྱལ་ཆེར་བཤད་པར་དགོངས་པའོ།། སྐྱེ་བ་མེད་པའི་ཆོས་རྣམས་ནི།། མ་སྐྱེས་པར་ཡང་སྙིང་པོར་བཞེད།། སྙིང་པོའི
301a4 དོན་དུ་གང་གྱུར་པ།། ཚིག་ཏུ་སྨྲ་བ་ལེགས་མ་ཡིན།། སྤྲོས་པ་ཉིད་ན་གོལ་བ་ཞེས།། རྒྱལ་བ་རྣམས་ཀྱིས་ཡང་དག་བཤད།། དེ་བས་རྡོ་རྗེ་རྒྱལ་པོ་ཉིད།། བཀའ་མ་སྩལ་བར་དགོངས་པའོ།། དགོངས་པའི་དོན་རྣམས
301a5 གང་འབྱིན་པ།། ཇི་ལྟར་མེ་ལོང་གཟུགས་བརྙན་ལྟར།། དགོངས་དོན་རིག་ལ་སྣང་གྱུར་པ།། མ་སྐྱེས་སྙིང་པོའི་དོན་གྱིས་ན།། ཚིག་ཏུ་སྤྲོས་པར་མ་ཡིན་ནའང་།། མཚན་མ་ཚིག་གི་རྣལ་འབྱོར་པ།། ཚིག་ལ་ཞིབ་ཅིང
301a6 དོན་ལ་རྩིར།། ཚིག་ཕྱིར་བློ་འབྲང་རྩལ་ཞན་རྣམས།། བཀྲ་ཕྱིར་བསམ་པར་རངས་བྱ་བ།། མི་དམིགས་པ་ལས་དམིགས་པ་ཡི།། ཆོ་འཕྲུལ་ཚིག་གིས་མཚོན་པ་ནི།། བདེར་གཤེགས་རྒྱལ་བ་ཀུན་གྱི་ཐུགས།། གསང
iiif viewer powered by OpenSeadragon
