| e-texts navigator |
| Wylie |
2b1 ཤེས་ཐབས་ཆེན་གྱིས།། གསལ་བའི་ཡེ་ཤེས་སྒོ་ཕྱེ་ནས།། དཔལ་གྱི་མགུར་ནས་གསུང་བསྒྲགས་པས།། འདུས་པའི་འཁོར་ལ་གསལ་བར་གསུངས།། ཞེས་གསོལ་ཏོ།། དེ་ནས་རིག་པའི་རྒྱལ་པོས། སེམས་དཔའ
2b2 རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། ཡེ་ཤེས་རྫོགས་པ་བདེ་བ་ཆེ།། མཐའ་ཡས་འགྲོ་བ་ཀུན་ལ་ལྡན།། རིག་པ་དབྱེར་མེད་ཀུན་ཏུ་བཟང་།། གང་ཡང་མ་ཡིན་རིག་པར་གསལ།། རྩོལ་བའི་སེམས་བྲལ་མངོན
2b3 སངས་རྒྱས།། རྒྱུ་འབྲས་གཉིས་མེད་འགྱུར་བ་བྲལ།། རྣམ་སྣང་ཤེས་པ་རང་གནས་པ།། བྱེད་པ་གཉིས་ཀྱིས་མཐོང་བར་གྱིས།། ཤེས་པའི་རྣམ་གྲངས་གང་སྐྱེས་ཀྱང་།། རྣམ་བྱང་ཉིད་ལས་གཞན་མ་ཡིན།། བསམ
2b4 གྱིས་མི་ཁྱབ་དུས་ན་ཤེས།། འཁོར་བའི་ཤེས་པ་གློ་བུར་བ།། རང་བཞིན་མ་ཡིན་རྐྱེན་གྱིས་སྣང་།། བརྗོད་པའི་སྙན་པ་ཉིད་དང་མཚུངས།། རྣམ་པར་བརྟགས་པའི་སེམས་ཉིད་ནི།། གང་ལྟར་བཏགས་པ་དེ་བཞིན
2b5 མཐོང་།། དུ་མའི་རིགས་ཀྱི་རྟོག་པ་དག། སྒོ་རྣམས་ཀུན་ཏུ་རྒྱུ་བ་སྟེ།། མི་གཅིག་སྐར་ཁུང་དུ་མ་བཞིན།། དོན་གྱི་རྣམ་བྱང་དུ་མ་ཡིན།། རིག་པ་དབྱེར་མེད་དཀྱིལ་འཁོར་འདིར།། མཐའ་བྲལ་ལྟ་བའི་དོན་ལྡན
2b6 གྱིས།། རང་བཞག་དགོངས་པས་གནས་པར་བྱ།། རང་བྱུང་ཐུགས་རྗེ་གཡོ་མེད་ཀྱིས།། འགྲོ་དོན་མ་ལུས་རྫོགས་པར་མཛད།། སྐུ་གསུམ་ལྷུན་གྲུབ་འབྲས་བུ་ནི།། གཞན་མ་ཡིན་ཏེ་དེ་ཉིད་རྫོགས།། རིགས་དྲུག
iiif viewer powered by OpenSeadragon
