| e-texts navigator |
| Wylie |
29a1 ཚུལ་བཞིན་དུ་དབང་བསྐུར་བའི་སྒྲུབ་པ་པོ་རྣམས་ཀྱི་དོན་དུ། གསང་བ་དང་། གསང་ཆེན་དང་། ཡེ་ཤེས་སྙིང་པོ་གསུམ་རྫོགས་པར་བྱས་ཏེ། ཟབ་མོའི་ཐབས་འདི་གསུངས་སོ།། རང་བཞིན་གནས
29a2 པའི་དེ་བཞིན་ཉིད།། ཡེ་ནས་གནས་པའི་ཆོས་ཉིད་དེ།། ས་ལ་མི་བགྲོད་སྦྲང་དུ་མེད།། ལྷུན་རྫོགས་རང་བྱུང་གཅིག་པུར་གནས།། དཔའ་བོ་དངོས་པོ་ཐམས་ཅད་ཟད།། སྟོང་པ་ཉིད་ཀྱི་རང་བཞིན་ལས།། ཏིང་ངེ
29a3 འཛིན་དུ་མཉམ་བཞག་པས།། ལུས་ཀྱི་ཆོས་ཀྱི་རང་བཞིན་ལ།། ཀླད་པ་དང་ནི་ཀླད་རྒྱས་དང་།། སྐྲ་དང་སྤུ་དང་སེན་མོ་དང་།། ཤ་དང་པགས་པ་ཚིལ་བུ་དང་།། རྒྱུ་མ་གཉེ་མ་ལ་སོགས་པ།། མི་གཙང་བ་ཡི་རང
29a4 བཞིན་ཅན།། བལྟས་པས་དངོས་པོ་མེད་མཐོང་སྟེ།། སྒྱུ་མ་མིག་ཡོར་ཚུལ་ཤེས་ཤིང་།། བདེན་པ་ཉིད་དུ་མ་མཐོང་སྟེ།། དེ་ཉིད་ཡང་དག་མཐོང་བ་ཡིན།། མི་རྟོག་ཤེས་རབ་གང་སྐྱེ་བ།། གསང་བའི་དོན་ལ་ཞུགས་པ
29a5 ཡིན།། ངག་གི་ཆོས་སུ་སྣང་བ་ཀུན།། ཇི་སྙེད་སྒྲ་དང་ཐ་སྙད་དང་།། ཡི་གེ་སྐད་དང་བརྡའ་ལ་སོགས།། གདགས་བྱ་དང་ནི་འདོགས་བྱེད་དང་།། གདགས་པའི་ཚིག་ལ་སོགས་པ་ཡི།། དངོས་པོ་གང་ཡང་མ་རྙེད
29a6 དེ།། འགའ་ཡང་མཐོང་བ་མེད་པ་ནི།། དེ་ཉིད་མཐོང་བ་ཆེན་པོ་ཡིན།། ཚིག་ལ་མི་རྟོག་ཤེས་རབ་སྐྱེ།། དངོས་པོ་མེད་པར་གྲགས་པ་ཡིན།། སེམས་ཀྱི་ཆོས་སུ་གང་གསུངས་པ།། སེམས་དང་སེམས་ལས་བྱུང་བ
iiif viewer powered by OpenSeadragon
