| e-texts navigator |
| Wylie |
298b1 རིག་པའི་རྩལ་སྦྱངས་དོན་གྱི་ཆེ་བ་ཕྱུང་། ངམ་ཞིང་ངོ་མཚར་བར་གྱུར་ཏེ་ཐམས་ཅད་ཉེ་བར་གནས་སོ།། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོར་བའི་རྡོ་རྗེ་རྒྱན་ཞེས་བྱ
298b2 བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་ནས། རྡོ་རྗེ་སྔགས་ཀྱི་ཚིག་འདི་གསུངས་སོ།། ཧཱུཾ་ཧཱུཾ་ཧཱུཾ་རྡོ་རྗེ་འདུ་བར་བསྡུས་པ་ཡི།། དམ་ཚིག་ཆེན་པོའི་རིག་འཛིན་རྣམས།། བླ་འོག་རིམ་པ་ཇི
298b3 བཞིན་དུ།། རྡོ་རྗེ་གསང་བའི་གྲལ་འཁོད་དེ།། རིགས་མ་ཡིན་པར་རིགས་མིན་འགྱུར།། སྐལ་བ་བཟང་པོའི་དམ་ཚིག་འདི།། སྐལ་བ་ངན་ལ་འབབ་མི་འགྱུར།། དེ་ལས་འདས་ན་དི་རླག་བྱེད།། ཧཱུཾ་ཀྲོ་དྷ་ཛ་ལ་ས་མ
298b4 ཡ། རཀྵ་ཛ་ལ་ས་མ་ཡ། ཡཀྵ་ཛ་ལ་ས་མ་ཡ། ཙིཏྟ་ཛ་ལ་ས་མ་ཡ་ཞེས་གསུངས་པ་ཙམ་གྱིས་ཞལ་ལྗགས་ཀྱི་དབང་པོ་འོད་མེ་དཔུང་ཆེན་པོ་ལས་ཁྲོ་བོ་འོད་ཀྱི་ཕྲེང་བ་འབར་བ་དང་། སྲིན་པོ་འོད་ཀྱི་ཕྲེང་བ་འབར་བ
298b5 དང་། གནོད་སྦྱིན་འོད་ཀྱི་ཕྲེང་བ་འཁྲུག་པ་དང་། ཟ་བྱེད་འོད་ཀྱི་ཕྲེང་བ་འབར་བ་བརྒྱད་མར་བྱུང་བས་རུ་ཏྲ་ཅན་དང་། བདུད་དང་། སྲིན་མོ་དང་། གནོད་སྦྱིན་དང་། སྲིན་པོ་དང་། འཇུག་སྲེད་དང་། སྲེད་མེད་དང་།
298b6 དབང་ཕྱུག་དང་། སྟོབས་ལྡན་དང་། སྤྲེའུ་དང་། ར་དང་། ལུ་འདི་དང་། སྦྲང་མ་དང་། བྱ་རོག་དང་། མེ་ཁྱེར་དང་། འཁོར་བ་དང་། ཆུ་དང་། ས་དང་། ནམ་མཁའ་དང་། མེ་དང་། སྒྲ་དང་། བསམ་ངན་ལ
iiif viewer powered by OpenSeadragon
