| e-texts navigator |
| Wylie |
297a1 རྣམ་པར་བཞེངས་ཏེ། རྣམ་པར་འགྱིང་བ་དང་། རྣམ་པར་བརྗིད་པ་དང་། གར་གྱི་ཕྱག་རྒྱ་ཆེན་པོ་དང་། རྣམ་པར་བཤད་པ་སྣ་ཚོགས་དང་། ཞབས་ཀྱི་བརྐྱང་བསྐུམ་དང་། སྐུའི་འགྱུར་བག་དང་། སྨིན
297a2 རིས་ཀྱི་འབྲི་ཀུ་ཏ་བསྐུར་བ་དང་། སྤྲུལ་པའི་འོད་ཟེར་གྱིས་ནམ་མཁའ་ཐམས་ཅད་ཀུན་ཏུ་ཁྱབ་པར་མཛད་དོ།། དེ་ནས་ཐམས་ཅད་དང་ཐམས་ཅད་ལ་མཚན་མ་དང་། རྣམ་པ་དང་། ཡོད་པ་དང་། མེད་པ་ཐམས
297a3 ཅད་ལ་གསང་བ་མཆོག་གི་བདག་པོ་དེས་ཀུན་ལ་ཁྱབ་པར་མཛད་དེ། དེ་དག་གི་རང་བཞིན་དུ་རྣམ་པར་གནས་སོ།། དེ་ནས་རྡོ་རྗེ་ཀུན་ཏུ་བཟང་མོ་དེ་ངོ་མཚར་དུ་གྱུར་ཏེ། ཡང་རྣལ་འབྱོར་པའི་ཕྱག་ལུས་ཀུན་དུ་ས
297a4 ལ་བརྡབས་ཏེ། ཆོ་འཕྲུལ་འབྱུང་བའི་གླུ་འདིས་གསོལ་བ་བཏབ་བོ།། ཡེ་ཤེས་སྒྱུ་མས་རྣམ་པར་རོལ་པའི་སྒྲ།། ཐབས་དང་ཤེས་རབ་ཆེ་ལ་མངའ་བརྙེས་པའི།། འཕགས་རྗེ་སྤྲུལ་པ་མང་པོ་འབྱུང་བའི་གནས།། བདེ
297a5 གཤེགས་བདེ་བར་གཤེགས་མཛད་བཞེངས་སུ་གསོལ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་རོལ་པའི་དེ་ཁོ་ན་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཅང་མི
297a6 གསུང་བར་བཞུགས་སོ།། དེ་ནས་ཡུམ་རྡོ་རྗེ་ཀུན་དུ་བཟང་མོ་དང་། དམ་ཚིག་ཆེན་པོ་རྡོ་རྗེ་སེམས་དཔའ་ལ་སོགས་པ་འཁོར་ཤིན་ཏུ་མང་པོ་རྣམས་ངོ་མཚར་དུ་གྱུར་ཏེ། དེ་དག་ཐམས་ཅད་མགྲིན་གཅིག་ཏུ་རྡོ་རྗེ
iiif viewer powered by OpenSeadragon
