| e-texts navigator |
| Wylie |
291b1 པའི།། ལྷ་དང་མཁའ་འགྲོ་ཐམས་ཅད་ཀྱིས།། འདི་ལ་འཆང་ངམ་སྤྱོད་པ་ཡི།། ཚུལ་དང་མཐུན་པའི་དགོངས་པ་སྒྲུབ།། ལེགས་སོ་ལེགས་སོ་དེ་ཕྱིར་བརྗོད།། བཟང་པོའི་བདག་པོ་ཡི་རང་ངོ་།། རིན་པོ་ཆེ་རྒྱས་པ་ཆེན
291b2 པོའི་རྒྱུད་ལས། གཏད་ཅིང་ཡི་རང་བའི་ལེའུ་སྟེ་རེ་གཅིག་པའོ།། རིན་པོ་ཆེ་རྒྱས་པ་ཆེན་པོའི་རྒུད་རྫོགས་སོ།། ཤྲཱི་སིདྷ་དང་བཻ་རོ་ཙ་ནས་བསྒྱུར་བའོ།། །
291b3 །། རྒྱ་གར་སྐད་དུ། སརྦ་ཏ་ཐཱ་ག་ཏ་ཙིཏྟ་གུ་ཧྱ་ཛྙཱ་ན་ཨ་རྠ་གརྦྷ་ཀྲོ་དྷ་བཛྲ་ཀུ་ལ་ཏནྟ་པིརྞྞརྠ་བིདྷི་ཡོ་ག་སདྡྷི་ན་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས
291b4 དོན་གྱི་སྙིང་པོ་ཁྲོ་བོ་རྡོ་རྗེའི་རིགས་ཀུན་འདུས་རིག་པའི་མདོ་རྣལ་འབྱོར་གྲུབ་པའི་རྒྱུད་ཅེས་བྱ་བ་ཐེག་པ་ཆེན་པོའི་མདོ། བཅོམ་ལྡན་འདས་དཔལ་སྒྲོལ་བྱེད་ཐུགས་རྗེའི་རྒྱལ་པོ་ལ་ཕྱག་འཚལ་ལོ།། འདི་སྐད
291b5 བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་དཔལ་ཀུན་དུ་བཟང་པོ་རྡོ་རྗེ་སང་ཧེ་རུ་ཀ་གསང་བ་མཆོག་གི་བདག་པོ་བྱིན་གྱིས་བརླབས་ཀྱི་དབང་ཕྱུག་མི་ཟད་མཛོད་ཀྱི
291b6 བཀོད་པ། ཆེ་བའི་དོན་ལ་དམ་པའི་སྤྱོད་པས་བསྐྱོད་པ་དེ། རྨད་དུ་བྱུང་བའི་དོན་འདི་ཉིད་བཤད་པའི་གནས་གསང་བའི་ཡང་གསང་བ་ཀུན་གཞི་ཆོས་ཀྱི་དབྱིངས་ཀྱི་ཕོ་བྲང་ཐིག་ལེ་བདལ་བའི་ཀློང་། ཡེ་འབྱམ་རྨད
iiif viewer powered by OpenSeadragon
