| e-texts navigator |
| Wylie |
291a1 བར་བསྟན་པའི་ལེའུ་སྟེ་དྲུག་ཅུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། རྒྱུད་འདི་གང་ལས་བྱུང་ཞིང་གང་ལ་གཏད་པ་དང་།། རྗེས་སུ
291a2 ཡི་རང་ཡོངས་སུ་རྫོགས་པ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། གཞི་འགག་མེད་པའི་སྙིང་པོ་དེ་ཉིད་ལས།། ཆོས་རྣམས་ཐམས་ཅད་རང་བྱུང་རང་ཤར
291a3 བས།། དེ་ལས་བྱུང་ཞིང་དེ་ལ་སྤྱོད་པ་ལས།། བྱུང་བ་མ་རྟོགས་ཤར་བ་མཐོང་བ་ཡིས།། ཐེག་པ་རྣམ་པ་བསམ་གྱིས་མི་ཁྱབ་པས།། བྱུང་དང་བྱུང་ནས་གནས་པའི་ཐེག་པ་འདི།། ཀུན་ཏུ་བཟང་པོའི་དགོངས་པ་དེ
291a4 བཞིན་བསྟན།། ཇི་ལྟར་བྱུང་ཞིང་ཤར་བར་སྣང་བ་འདི།། རྡོ་རྗེ་སེམས་དཔའ་ཉིད་ལ་ངས་བསྟན་ཏོ།། སེམས་དཔའ་ཆེ་ཞེས་སྣང་བའི་ཐེག་པ་འདི།། ཀུན་ལ་ཡོད་དེ་རང་གསང་ཐབས་ཀྱིས་ཆོད།། ཆོད་པའི་མུན་པས
291a5 ཡེ་ཤེས་རང་འོད་གསལ། རྡོ་རྗེ་སེམས་དཔའ་ང་ཉིད་ཀྱིས།། ཇི་བཞིན་པ་ཡི་དགོངས་པ་དེ།། སངས་རྒྱས་ཀུན་ལ་ངས་བསྟན་ཏོ།། དེ་ནས་འཁོར་རྣམས་ཡི་རང་ནས།། རྣམ་པར་སྣང་མཛད་རྡོ་རྗེ་སེམས།། རིན་ཆེན
291a6 རིགས་དང་པདྨའི་རིགས།། ལས་ཀྱི་རིགས་མཆོག་ལ་སོགས་པ།། རྗེས་སུ་ཡི་རང་ཐལ་སྦྱར་ནས།། ཐམས་ཅད་རྒྱུན་མི་ཆད་པ་རུ།། དུས་གསུམ་དག་ཏུ་ཆོས་ཀྱི་འཁོར་ལོ་བསྐོར།། བྱང་ཆུབ་སེམས་དཔའ་ལ་སོགས
iiif viewer powered by OpenSeadragon
