| e-texts navigator |
| Wylie |
290b1 བཞིན་མེད།། འགྲོ་འོང་ཡོན་ཏན་རང་ཤར་བས།། བདེ་བ་ཡེ་ཤེས་རང་གསལ་འོད།། དེ་ལ་ཡོན་ཏན་འོད་ལྔར་ཤར།། རང་གསལ་འོད་ནི་ལྷ་བཞིན་གསལ།། ལྷ་དང་འོད་ནི་རང་བཞིན་གཅིག། དེ་དང་དེ་ཡི་འབྲེལ
290b2 པ་ལས།། སྣང་བ་གཉིས་སུ་ཤར་བའོ།། ཉི་མའི་སྙིང་པོ་ཟེར་དང་ཆས།། མན་ཤེལ་སྙིང་པོ་འོད་དང་ཆས།། གསེར་གྱི་རང་བཞིན་སེར་དང་ཆས།། མེ་ལོང་རང་བཞིན་གསལ་དང་ཆས།། གསལ་བའི་རང་བཞིན་འོད
290b3 དང་ཆས།། སེམས་ཅན་རང་བཞིན་ཡིད་དང་ཆས།། སྟོང་པ་ཡེ་ཤེས་གསལ་དང་ཆས།། ཐམས་ཅད་སྐུ་གསུམ་རང་ཆས་པས།། བྱས་པ་མ་ཡིན་བྱུང་བ་ཡིན།། རང་རང་སོ་སོའི་མཚན་ཉིད་ཀྱང་།། ཆོས་ཀྱི་སྐུ་ལས་བྱུང
290b4 བས་ན།། སྤངས་པས་དེ་ཉིད་སྤངས་པ་མིན།། རང་བཞིན་ཤེས་ན་ཡོངས་ཀྱིས་སྤངས།། སྣང་བ་ཆོས་སྐུ་རང་ལས་བྱུང་།། སྣང་བ་སྤངས་པས་ཆོས་སྐུ་མེད།། དུག་ལྔ་ཡེ་ཤེས་རང་ལས་བྱུང་།། མི་རྟོག་མི་འཛིན་གཏི
290b5 མུག་ལ།། གསལ་བར་སྣང་བ་ཞེ་སྡང་ལ།། བདེ་བར་སྣང་བ་འདོད་ཆགས་ལ།། སྟོང་པར་སྣང་བ་ཕྲག་དོག་ལ།། གོས་པ་མེད་པ་ང་རྒྱལ་ཉིད།། དེ་ཡང་ཡེ་ཤེས་ཡོད་མ་ཡིན།། ཐམས་ཅད་རང་ལས་བྱུང་བས
290b6 ན།། རང་ལས་ཤར་བའི་སྣང་བ་ལས།། གང་ལྟར་སྤྱད་ཀྱང་གོས་པ་མེད།། རང་བྱུང་རང་ཤར་མ་ཤེས་ན།། གང་ལྟར་སྤྱད་ཀྱང་འཁྲུལ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཆོས་ཐམས་ཅད་རང་ལས་བྱུང
iiif viewer powered by OpenSeadragon
