| e-texts navigator |
| Wylie |
290a1 སུ་སྣང་བ་ལ།། གཅིག་ཅེས་བྱ་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཐམས་ཅད་རང་བཞིན་རྣམ་པར་དག་པས་ན།། སྣོད་ཅེས་བྱ་བ
290a2 སངས་རྒྱས་སྣོད།། བཅུད་ཅེས་བྱ་བ་སངས་རྒྱས་བཅུད།། སྣ་ཚོགས་སྣང་བ་ཡེ་ཤེས་ཉིད།། རིགས་དྲུག་སེམས་ཅན་སངས་རྒྱས་ཉིད།། སངས་རྒྱས་ཉིད་ལས་མ་གཏོགས་པ།། རྡུལ་ཙམ་དག་ཀྱང་ཡོད་མ
290a3 ཡིན།། ཐམས་ཅད་རང་བཞིན་དག་པས་ན།། བལྟར་མེད་བལྟས་ན་འཁྲུལ་པ་ཡིན།། བསྒོམ་མེད་བསྒོམ་ན་འཁྲུལ་པ་ཡིན།། སྤྱོད་མེད་སྤྱོད་ན་འཁྲུལ་པ་ཡིན།། ཐོབ་མེད་ཐོབ་ན་འཁྲུལ་པ་ཡིན།། ཡང་དག་ཉིད་ན
290a4 བཙལ་དུ་མེད།། འཁོར་བ་ཀ་དག་རིན་ཆེན་གླིང་།། རང་བྱུང་ཀུན་ཏུ་བཟང་པོར་གནས།། ཐམས་ཅད་དབྱེར་མེད་གཅིག་པས་ན།། ཡང་དག་རྫོགས་པ་དེ་ཁོ་ནའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁོར་བ
290a5 དོང་སྤུག་གི་ལེའུ་སྟེ་ང་དགུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་ཀྱི་སྐུ་ཡི་རང་བཞིན་དེ།། སྐྱེ་འགག་མེད་པའི་མཚན་ཉིད་གང་།། སྟོན་པའི
290a6 སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བཞིན་སྐྱེ་བ་མེད་པ་ཡིས།། ཡོན་ཏན་འགག་པ་མེད་པར་ཤར།། སྙིང་པོ་ཡུལ་ལ་མི་དམིགས་པས།། གནས་པར་བྱ་བའི་རང
iiif viewer powered by OpenSeadragon
