| e-texts navigator |
| Wylie |
28b1 ཞེས་བྱ་སྟེ།། ཆོས་རྣམས་མ་ལུས་དབྱིངས་སུ་རྫོགས།། ཐམས་ཅད་ཀུན་འདུས་རྣམ་པར་དག། ཡོད་མེད་དབུ་མ་མི་དམིགས་ཤིང་།། མི་འགྱུར་མི་ཤིགས་རྡོ་རྗེ་སྟེ།། ཡངས་ལ་རྒྱ་ཆེ་ཀུན་ཏུ་བཟང་།། འགྱུར་བ་མ་ཡིན
28b2 ཀུན་ཏུ་བཟང་།། འགྱུར་བ་མ་ཡིན་དྲང་པོར་གནས།། རྣལ་འབྱོར་བལྟ་བར་ཤེས་པར་བྱ།། བར་དུ་བསྒོམ་པའི་ཐབས་གསུངས་པ།། ཏིང་ངེ་འཛིན་དང་སྤྱོད་པའོ།། ཏིང་ངེ་འཛིན་ཞེས་བྱ་བ་ནི།། གསང་བའི་དོན་ལ
28b3 འཇུག་པ་སྟེ།། སྤྱོད་པ་དངོས་སུ་གསུངས་པ་ནི།། མ་དང་བུ་མོ་སྲིང་མོ་སོགས།། རྟག་ཏུ་སེམས་ནི་སྦྱར་བར་བྱ།། གླང་ཆེན་ཤ་དང་ཤ་ཆེན་དང་།། རྟ་ཤ་ཁྱི་ཤ་བ་གླང་ཤ།། བྱང་ཆུབ་སེམས་ལ་སོགས་པ
28b4 རྣམས།། བཟའ་ཞིང་སྤྱད་པར་བྱ་བ་སྟེ།། འདི་ལ་མི་བྱ་ཅི་ཡང་མེད།། ཐབས་ལ་བརྟེན་པར་གྱུར་པ་དང་།། མི་བཟའ་བ་ཡང་ཅི་ཡང་མེད།། ཐམས་ཅད་བལྟ་བས་གཉིས་མེད་ཅིང་།། ཏིང་ངེ་འཛིན་ལ་གནས་གྱུར
28b5 ན།། མི་སྤྱད་པ་ནི་གང་ཡང་མེད།། ཐབས་ལ་བརྟེན་པར་གྱུར་པ་དང་།། ཐ་མར་སེམས་ནི་བཅོས་དགོས་སོ།། དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་ཐབས
28b6 བསྟན་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དགྱེས་པ་ཆེན་པོ་དེས། མ་འོངས་པའི་རྣལ་འབྱོར་པ་ཤེས་རབ་ཀྱིས་རྒྱགས་པ་རྣམས་དང་།
iiif viewer powered by OpenSeadragon
