| e-texts navigator |
| Wylie |
289b1 རློབས།། འདི་ཉིད་ཉན་པ་ཙམ་གྱིས་སུ།། ཐེག་པ་ཐམས་ཅད་མཉན་པས་ན།། སངས་རྒྱས་དགོངས་པ་ཀུན་འགྲུབ་པས།། མཐུན་པའི་ཡེ་ཤེས་རང་སྣང་བས།། སངས་རྒྱས་རྣམས་ཀྱི་སྲས་སུ་མཐོང་།། བྱང་སེམས
289b2 ཀུན་གྱི་སྤུན་དུ་གཟིགས།། མཁའ་འགྲོ་རྣམས་ཀྱིས་བྱིན་གྱིས་བརླབ།། གར་འབྱུང་དེ་ནི་གར་སྐྱེས་ཡང་།། ཐེག་པ་འདི་ལ་རྟག་ཏུ་སྤྱོད།། འདི་ཉིད་བཤད་པ་ཙམ་གྱིས་སུ།། དུས་གསུམ་རྒྱུན་མི་འཆད་པ་རུ།། རྟག་ཏུ
289b3 ཆོས་ཀྱི་འཁོར་ལོ་བསྐོར།། བར་དོ་རྣམ་པ་གསུམ་དུ་ཡང་།། བདེར་གཤེགས་ཐུགས་ཀྱིས་དམ་པར་གཟིགས།། རྡོ་རྗེ་སེམས་དཔའ་དངོས་སུ་སྣང་།། དེ་ཡི་ལུང་ཉིད་བསྟན་ནས་ནི།། ཡང་དག་ངེས་པའི་འབྲས
289b4 བུ་ཐོབ།། དེ་ཉིད་བསྒོམས་པ་ཙམ་གྱིས་སུ།། ཚེ་གཅིག་ཡང་དག་འབྲས་བུ་སྟེར།། སྐུ་གསུམ་སྣང་བར་ལྷུན་གྱིས་གྲུབ།། དེ་ཡི་ཡོན་ཏན་བསམ་མི་ཁྱབ།། འདི་ཉིད་མཆོད་བསྟོད་བྱས་པ་ཡིས།། དཀོན་མཆོག་གསུམ
289b5 པོ་ཀུན་མཆོད་དང་།། ཉེ་བའི་སྲས་ཀྱི་དམ་པར་འཛིན།། སྡུག་བསྔལ་རྣམས་ནི་མི་འབྱུང་ཞིང་།། དབུལ་བ་ཐམས་ཅད་སེལ་བའོ།། སྟོང་གསུམ་རྡུལ་ནི་བསམས་ནུས་ཏེ།། འདི་ཡི་བསོད་ནམས་བསམ་མི་ནུས།། རིན
289b6 པོ་ཆེ་རྒྱས་པ་ཆེན་པོའི་རྒྱུད་ལས། ཐེག་པ་འདིས་བསོད་ནམས་བསྟན་པའི་ལེའུ་སྟེ་ང་བརྒྱད་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཐ་དད་གཉིས
iiif viewer powered by OpenSeadragon
