| e-texts navigator |
| Wylie |
289a1 དང་བཤད་དང་བསྒོམ་པ་དང་།། འདི་ལ་རྟག་ཏུ་མཆོད་པ་རྣམས།། དེ་གནས་འབྲས་བུ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཐེག་པ
289a2 འདི་ལ་མོས་པ་ཀུན།། མ་ནོར་དམ་པའི་ལམ་ཞུགས་ནས།། སེམས་བསྐྱེད་པ་ཡི་འབྲས་བུ་རྫོགས།། སྲིད་པ་གར་འབྱུང་གར་སྐྱེས་ཡང་།། བར་དོ་རྣམ་པ་གསུམ་ཉིད་དུ།། ཐེག་པ་འདི་དང་མི་འབྲལ་ཞིང་།། བླ་མ་ལྟ
289a3 བུར་ལུང་ཡང་སྟོན།། འདི་ཉིད་བྲིས་པ་ཙམ་གྱིས་སུ།། ངན་སོང་རྣམས་ལས་རབ་རྒྱལ་ཞིང་།། བདེ་གཤེགས་ཀུན་གྱིས་བྱིན་གྱིས་བརླབ།། སྲས་ཀྱི་དམ་པ་སངས་རྒྱས་སྲས།། མཁའ་འགྲོ་རྣམས་ཀྱི་ལུང་ཡང
289a4 འཐོབ།། འདི་ཉིད་བཀླགས་པ་ཙམ་གྱིས་སུ།། ཁམས་གསུམ་རྣམས་ལས་རབ་འདས་ཤིང་།། འཆི་ཀའི་རྣ་བུག་བརྗོད་པ་ན།། ངན་སོང་ལས་ནི་ཐར་བར་བྱེད།། མི་མིན་གདོན་ལ་སོགས་པ་ཡིས།། གདུག་པ་ཞི་ནས
289a5 དག་འཐོབ།། ལྷ་དང་མཁའ་འགྲོ་ཐམས་ཅད་ཀྱིས།། རྗེ་བོར་མཐོང་ནས་ངེས་པར་བཀུར།། ཡང་དག་ངེས་པའི་ལུང་ཡང་སྟོན།། འདི་ཉིད་བཅང་བ་ཙམ་གྱིས་སུ།། ངན་སོང་གསུམ་ལས་རབ་ཐར་ཞིང་།། འཇིག
289a6 རྟེན་འདི་ནས་ཕ་རོལ་གྱི།། དོན་རྣམས་ཐམས་ཅད་འགྲུབ་པར་བྱེད།། འདི་ཉིད་ཡིད་ལ་བྱེད་པ་ཡིས།། བདེར་གཤེགས་ཐམས་ཅད་བཀུར་བས་ན།། ཡང་དག་ལམ་ན་གནས་པ་ན།། བྱང་ཆུབ་སེམས་དཔས་བྱིན་གྱིས
iiif viewer powered by OpenSeadragon
