| e-texts navigator |
| Wylie |
288b1 འབྱུང་།། འབྲིང་ལ་རྨི་ལམ་ཡེ་ཤེས་སྐྱེ་བ་དང་།། ཐ་མ་རྨི་ལམ་འཁྲུལ་པར་ཤེས་པའོ།། ཆོ་འཕྲུལ་དག་ནི་འདི་རྣམས་འབྱུང་བ་སྟེ།། འབྱུང་བ་དག་ལ་དབང་ཉིད་ཐོབ་པའི་བདག། ས་ལ་འཛུལ་ཞིང་ཆུ་ལ་བྱིང་བ
288b2 མེད།། མཁའ་ལ་འཕུར་ཞིང་རླུང་ལ་ཞོན་པ་སྟེ།། ལུས་ལས་མེ་འབྱུང་མེ་ཡིས་མི་འཚིག་གོ། སེམས་ཉིད་དག་ལ་དབང་ནི་ཐོབ་པའི་རྟགས།། མང་པོ་བྱེད་ཅིང་ཤི་བ་སློང་ནུས་སོ།། ཆོ་འཕྲུལ་བསམ་གྱིས་མི་ཁྱབ
288b3 འགྱེད་ཀྱང་ནུས།། ཡེ་ཤེས་མངོན་ཤེས་དྲུག་ཀྱང་འབྱུང་།། ཡེ་ཤེས་མངོན་ཤེས་མ་ལུས་པ་རུ་གཟིགས།། ལྷ་ཡི་སྙན་གྱིས་སྟོང་གསུམ་སྤྱི་ཕུད་ཐོས།། རིགས་དྲུག་སེམས་ནི་མ་ལུས་པ་རུ་ཤེས།། འཆི་འཕོ་དག་དང་སྐྱེ
288b4 བ་མ་ལུས་ཤེས།། རྫུ་འཕྲུལ་སྤྲུལ་པའི་གདུལ་བྱ་མ་ལུས་ཤེས།། ཟད་པར་ཟིལ་གྱིས་གནོན་པ་མ་ལུས་ཤེས།། གཞི་ལ་རིག་ཤེས་རྫོགས་པ་ཡིས།། མངོན་པར་ཤེས་པ་མ་ལུས་ཤར།། བསྒོམས་པ་ལས་བྱུང་ཤེས་རབ
288b5 ཁོང་ནས་སྐྱེ།། དྲོད་རྟགས་བསམ་གྱིས་མི་ཁྱབ་འབྱུང་བ་སྟེ།། དེ་ལ་ཆགས་ཞིང་ཞེན་ན་བདུད་ཡིན་ནོ།། རང་བཞིན་མེད་པར་བཞག་ན་ཡོན་ཏན་ནོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། དྲོད་རྟགས་ཀྱི་ལེའུ་སྟེ་ང
288b6 བདུན་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཐེག་པ་ཆེན་པོ་འདི་ཉིད་ལ།། མོས་སམ་འབྲིའམ་ཀློག་པ་དང་།། འཆང་ངམ་ཡིད་ལ་བྱེད་པ་དང་།། ཉན
iiif viewer powered by OpenSeadragon
