| e-texts navigator |
| Wylie |
288a1 ན།། ཕྱོགས་ལྷུང་མེད་པའི་སེམས་དཔའ་དེས།། སེམས་དཔའ་དེ་ཡི་དོན་རྟོགས་ན།། སྒྲིབ་པ་མེད་པ་ཡེ་ཤེས་སྐུ།། སྐྱེ་འགག་མེད་པ་ཡེ་ཤེས་ཀློང་།། མཐའ་དབུས་མེད་པའི་ཞིང་ཁམས་ན།། རྩལ
288a2 འགག་མེད་པའི་སངས་རྒྱས་གནས།། ཤེས་དང་ཡེ་ཤེས་བདག་པོའི་མཆོག། ཐམས་ཅད་མཁྱེན་པའི་ཡེ་ཤེས་སྐུ།། བསྒྲིབ་དང་སྒྲིབ་པ་ག་ལ་ཡོད།། རིན་པོ་ཆེ་རྒྱས་པ་ཆེན་པོའི་རྒྱུད་ལས། རྡོ་རྗེའི་ཚིག་བཅུ་བསྟན
288a3 པའི་ལེའུ་སྟེ་ང་དྲུག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འདི་ཉིད་ལྷ་སྒོམ་སྤྱོད་པ་ཡིས།། དྲོད་དང་རྟགས་དང་ཆོ་འཕྲུལ་དང་།། ཡེ་ཤེས
288a4 མངོན་ཤེས་འབྱུང་བ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ལྷ་སྒོམ་ཐེག་པ་འདི་དང་ལྡན་པ་ན།། དྲོད་ནི་འདི་རྣམས་འབྱུང་བ་སྟེ།། བྱང་ཆུབ་སེམས་ནི་སྙིང
288a5 རྗེ་ཆེན་པོ་འབྱུང་།། ཆགས་པ་མེད་ཅིང་སྦྱིན་ལ་དགའ་བ་དང་།། ང་རྒྱལ་མེད་ཅིང་ཉོན་མོངས་ཆུང་བ་དང་།། གཙང་བཙོག་མེད་ཅིང་འདོད་པ་ཆུང་བ་དང་།། ཁོང་ནས་ཤེས་རབ་ཆེན་པོ་གསལ་ལྡན་ཞིང་།། རྟགས་ནི
288a6 འདི་རྣམས་བྱུང་བ་སྟེ།། གཉིད་མེད་ཉིན་མཚན་མེད་པར་གསལ་བ་དང་།། ཕྱི་དང་ནང་གི་སྲིན་བུ་མེད་པ་དང་།། ལུས་ནི་ཡང་ཞིང་བཀྲག་མདངས་གསལ་བ་དང་།། གཞོན་ནུའི་ལུས་ལྡན་ཡན་ལག་གྲིམས་པས
iiif viewer powered by OpenSeadragon
