| e-texts navigator |
| Wylie |
287b1 ཀྱི་བསྟན་པ་ནི།། སྐུ་དང་གསུང་གི་བསྟན་པ་ཡང་།། ལོ་ནི་བདུན་བརྒྱ་རྩ་ལྔར་སྣང་།། ཐུགས་ཀྱི་བསྟན་པ་དྲུག་ཅུ་གཅིག། འཛམ་གླིང་ཤར་གྱི་ཕྱོགས་དག་ནས།། དགའ་རབ་དབང་ཕྱུག་སྤྲུལ་པ་ཡིས།། རང་དང་འདྲ
287b2 བའི་ཚུལ་བཟུང་ནས།། བསྟན་པ་དེ་ཉིད་འཇིག་པར་བྱེད།། ང་ནི་མི་སྣང་མཁའ་འགྲོ་ཡིས།། ལས་དག་དེ་ལ་སྣང་བར་བྱེད།། དེ་ནས་དེ་ཡི་སྤྲུལ་པའི་སྐུས།། ཐུགས་ཀྱི་བསྟན་པ་ཉི་བཞིན་ཤར།། ལས་དག་རྣམས་ལ
287b3 སྣང་བར་བྱེད།། ཐེག་པ་འདི་དོན་མཐོང་བ་ན།། སྐད་ཅིག་གཅིག་གིས་རྫོགས་སངས་རྒྱས།། སྣོད་དང་མི་ལྡན་གང་ཟག་ལ།། ཐེག་པ་འདི་ཉིད་སྣང་གྱུར་ཀྱང་།། རྡོ་རྗེ་དམྱལ་བ་ཆེན་པོའི་རྒྱུ།། འཆིང་བའི་སྒྲིབ་པ་ལྡན
287b4 པ་ལ།། ཐེག་པ་འདི་ཉིད་སྣང་མི་སྲིད།། ཐེག་པ་འདི་ཡི་དོན་རྟོགས་ན།། རྡོ་རྗེ་སེམས་དཔའ་ཁོང་ནས་འཆར།། དེ་བཞིན་ང་ཡིས་ལུང་བསྟན་ཏོ།། ཐེག་པ་ཆེན་པོ་འདི་ཉིད་ནི།། གང་ཟག་དེ་ལ་སྣང་བར་ངེས།། སྲིད
287b5 པ་བར་དོར་འབྲས་བུ་ཐོབ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཐེག་པ་ཆེན་པོའི་གང་ཟག་ལ་ལུང་བསྟན་པའི་ལེའུ་སྟེ་ང་ལྔ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ
287b6 ཀུན་ཏུ་བཟང་པོ་ལ།། རྡོ་རྗེ་སེམས་དཔའ་ཆེན་པོ་ནི།། མྱ་ངན་འདས་པའི་ཚིག་བཅུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རྡོ་རྗེ་སེམས་དཔའ་བལྟས་བྱས
iiif viewer powered by OpenSeadragon
