| e-texts navigator |
| Wylie |
287a1 ཅད་ཀུན།། ཡིད་ཀྱིས་དཔྱད་ཅིང་གཟུང་འཛིན་ལྟ་བའི་བདུད།། ཡིད་འཕྲོག་བྱིང་དང་ཐེ་ཚོམ་སྒོམ་པའི་བདུད།། དོན་མེད་བཀའ་བཞིན་མ་གྲུབ་རྒྱ་ཡན་སྤྱོད་པའི་བདུད།། བདུད་དང་ཡེ་ཤེས་གཉིས་ནི
287a2 དབྱེར་མེད་པས།། ཡིད་ཀྱིས་དཔྱད་ཅིང་བཟུང་ན་བདུད་ཡིན་ནོ།། མ་དཔྱད་རང་སོར་བཞག་ན་ཡེ་ཤེས་ཡིན།། དཔྱོད་དང་མི་དཔྱོད་གཉིས་ལས་མ་འདས་སོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། བདུད་འབྱུང
287a3 བ་བསྟན་པའི་ལེའུ་སྟེ་ང་བཞི་པའོ།། །། སྡུད་པའི་གསང་དབང་རྡོ་རྗེ་སེམས་དགའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འབྲས་བུའི་ཐེག་པ་ཆེན་པོ་འདི།། རིགས་ནི་གང་ལ་སྣང་བ་ལགས།། དུས་ནི
287a4 ཇི་སྲིད་ཞིག་ན་འབྱུང་།། སྣང་ལུགས་ཇི་ལྟར་སྣང་བ་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས། སྡུད་པའི་གསང་དབང་རྡོ་རྗེ་སེམས་དཔའ་ལ།། ཚེ་རབས་ཐོག་མ་མེད་པ་ནས།། བླ་མ་མཆོད་ཅིང་བསྙེན་པ
287a5 དང་།། དཀོན་མཆོག་ཡི་དམ་མཆོད་པ་དང་།། དམ་པའི་དོན་ལ་བློ་སྦྱངས་པས།། ཐེག་པ་ཆེན་པོ་ལ་མོས་པས།། དེ་ཡི་སྨོན་ལམ་དབང་གིས་སུ།། རིན་ཆེན་འཛམ་བུ་གླིང་ཉིད་དུ།། རིགས་རྒྱུད་མི་ལུས་དག་པ
287a6 འཛིན།། དབང་པོ་རྣམ་ཤེས་ཡན་ལག་རྫོགས།། ཤེས་རབ་མིག་དང་ལྡན་པ་ཡིས།། སྙིགས་མ་ལྔ་ཡི་དུས་དེ་རུ།། བདེ་གཤེགས་ཐུགས་ཀྱི་བསྟན་པ་ཤར།། མཁའ་འགྲོ་ཞིང་སྐྱོང་གནང་བ་ཐོབ།། བཅོམ་ལྡན་འདས
iiif viewer powered by OpenSeadragon
