| e-texts navigator |
| Wylie |
286b1 དབང་རྡོ་རྗེ་སེམས་དཔའ་ལ།། ཡང་དག་ལམ་དུ་ཞུགས་ལ་བདུད་འབྱུང་བས།། བདུད་ཀྱི་སྡེ་ལ་གནས་པས་བདུད་མི་འབྱུང་།། ཕྱི་ཡི་བདུད་ནི་མཚན་མར་འཛིན་པ་སྟེ།། ནང་གི་བདུད་ནི་ལོག་པར་རྟོགས་པ
286b2 ཉིད།། གསང་བའི་བདུད་ནི་ཡེ་ཤེས་ངོས་མ་ཟིན།། བར་གཅོད་བདུད་ནི་དོན་ལས་ལོག་པར་ཁྲིད།། དོན་དང་མི་ལྡན་བདུད་ཀྱི་སྡེ་པ་ཡིན།། སྒོ་ལྔ་ཡུལ་ལ་ཆགས་པ་ཕུང་པོའི་བདུད།། ཡིད་གཡོས་ཡུལ་ལ་སྤྱོད་པ
286b3 ཉོན་མོངས་བདུད།། བལྟར་མེད་ལོག་པར་ལྟ་བ་ལྷ་ཡི་བུའི་བདུད།། ལམ་ཐོབ་བར་དུ་གཅོད་པ་འཆི་བར་བྱེད་པའི་བདུད།། བདུད་ཀྱི་རིགས་ནི་ཉོན་མོངས་དུ་མ་སྟེ།། དེ་ཡི་འབྲས་བུ་ལོག་པར་བལྟ་བ
286b4 རྣམས།། དགའ་རབ་དབང་ཕྱུག་རིགས་ལ་སོགས་པའོ།། མཆོད་ལེགས་བསྟེན་ན་དངོས་གྲུབ་འབྱུང་བར་བྱེད།། དེ་ལས་ལོག་ན་འཇིག་རྟེན་སྡུག་བསྔལ་བསྐྱེད།། གླགས་ཚོལ་གླགས་རྙེད་བར་དུ་གཅོད་པའི
286b5 བདུད།། བར་དུ་གཅོད་ན་ཐམས་ཅད་བདུད་ཡིན་ནོ།། རྟོགས་ན་ཆོས་ཉིད་མ་རྟོགས་བདུད་ཡིན་ནོ།། འཛིན་ན་ཡེ་ཤེས་ཉིད་ལ་འཛིན་ཀྱང་བདུད་ཡིན་ནོ།། བསམ་གཏན་ཉིད་ལ་ཆགས་ཀྱང་བདུད་ཡིན་པས།། ཡང
286b6 དག་ལམ་ལ་གནས་པའི་བདུད་དེ་ནི།། རྡོ་རྗེ་སློབ་དཔོན་བདུད་དུ་སྣང་བ་འབྱུང་།། མཐོང་ན་ལོག་ལྟ་སྐྱེ་ཞིང་དྲེགས་པ་ཞེ་སྡང་སྐྱེས།། གཟུགས་མི་སྡུག་ཅིང་ཡིད་མི་ཆགས་པ་འབྱུང་།། ཕྱི་དང་ནང་དུ་སྣང་བ་ཐམས
iiif viewer powered by OpenSeadragon
