| e-texts navigator |
| Wylie |
285b1 མེད་རྟོག་མེད་པས།། བག་ཆགས་སྒྲིབ་པ་ནུབ་པ་ཡིས།། ཚོགས་དྲུག་མཁའ་ལ་གྲུབ་བླུགས་ཀྱང་པ་ཡིས།། ཡུལ་ལ་མི་སྤྱོད་ཡེ་ཤེས་ཡིན།། ཡུལ་དང་ཡུལ་ཅན་གཉིས་མེད་པས།། ཉོན་མོངས་སྒྲིབ་པ་དག་པ་ཡིན།། སྒོ
285b2 ལྔ་རང་སར་དག་པ་ཡིས།། ལོངས་སྤྱོད་རྫོགས་སྐུ་ཐོབ་པ་ཡིན།། ཡེ་ཤེས་རྒྱུན་དུ་གནས་པ་ཡིས།། རྟོག་པ་ཀུན་ལ་འདས་པ་ཡིན།། རང་བྱུང་ཡེ་ཤེས་རྫོགས་པས་ན།། རྫོགས་པ་ཆེན་པོའི་སངས་རྒྱས་ཡིན།། ཏིང
285b3 འཛིན་དོན་ལ་མ་ཆགས་པས།། ཤེས་བྱའི་སྒྲིབ་པ་དག་པ་ཡིན།། རང་བྱུང་ཡེ་ཤེས་ཆེན་པོ་དེ།། སངས་རྒྱས་ཆོས་སྐུ་མཐོང་ཞེས་བྱ།། མཐོང་མེད་མཐོང་བ་མཐོང་བའི་མཆོག། མཐོང་ལས་འདས་པ་ཡེ་ཤེས
285b4 མཆོག། འདུས་རྒྱས་བློ་ཡི་ནམ་མཁའ་ལ།། འདུས་མ་བྱས་པའི་ཆོས་ཉིད་བྱུང་།། རང་བྱུང་སྙིང་པོ་སྐུ་ཡི་གནས།། དེ་རྟོགས་སངས་རྒྱས་བཙལ་དུ་མེད།། སྤང་ཐོབ་མེད་པའི་ཡེ་ཤེས་སོ།། རིན་པོ་ཆེ་རྒྱས་པ་ཆེན་པོའི
285b5 རྒྱུད་ལས། འདུས་མ་བྱས་སེམས་ལ་འདུས་མ་བྱས་བྱུང་བའི་ལེའུ་སྟེ་ང་གཉིས་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁྲུལ་པའི་ལུས་ནས་སེམས
285b6 ཉིད་དོན་པ་དང་།། སེམས་ཉིད་མཁའ་ལ་བཞག་སྟེ་བརྟག་པ་དང་།། ལུས་ལ་བརྟགས་ཏེ་ནང་དུ་བསྡུ་བ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ལུས་ནི་མི
iiif viewer powered by OpenSeadragon
